قوعامدا رەزونانس تۋدىرعان ماسەلە وسىلايشا وڭاي شەشىلە سالدى. 

باس پروكۋراتۋرانىڭ قوعامدىق مۇددەلەردى قورعاۋ قىزمەتى باسشىسىنىڭ ورىنباسارى ساكەن سامەت بۇل جاعدايلاردا اكىمشىلىك جاۋاپكەرشىلىككە تارتۋ تيىمدىرەك ەكەنىن ايتادى.

ەسكە سالايىق، ادىلەت مينيسترلىگىندە دەپۋتات اسحات ايماعامبەتوۆ ايەلدەر مەن بالالاردىڭ قۇقىقتارىن قورعاۋعا قاتىستى زاڭ جوباسىنا دەپۋتاتتار ەنگىزۋدى ۇسىنىپ وتىرعان نورمالارمەن تانىستىردى. ونىڭ ىشىندە ۇرىپ-سوعۋ جانە دەنساۋلىققا جەڭىل زيان كەلتىرۋ جاعدايلارى بويىنشا ءىشىنارا قىلمىستىق جاۋاپكەرشىلىككە تارتۋ، پەدوفيليا ءۇشىن ءومىر بويىنا باس بوستاندىعىنان ايىرۋ، جۇمىس ورنىندا قىسىم كورسەتكەنى ءۇشىن قىلمىستىق جاۋاپكەرشىلىكتى ەنگىزۋ جانە ت.ب. بار. كەيىن پرەمەر-مينيستر ءاليحان سمايىلوۆ ۇسىنىلعان نورمالاردىڭ باسىم بولىگى ۇكىمەت تاراپىنان قولداۋ تاپقانىن ايتتى.

سەناتتاعى تالقىلاۋ بارىسىندا ساكەن سامەت پوليسياعا كۇن سايىن تۇرمىستىق زورلىق-زومبىلىق تۋرالى 300-گە جۋىق حابارلاما كەلىپ تۇسەتىنىن ايتتى. 11 ايدا وسىنداي فاكتىلەر بويىنشا 58 مىڭ ازامات اكىمشىلىك جاۋاپكەرشىلىككە تارتىلسا، 819 ادام قىلمىستىق جاۋاپكەرشىلىككە تارتىلعان. 

– قوعام تاعى دا تۇرمىستىق زورلىق-زومبىلىقتى قىلمىستىق جاۋاپكەرشىلىككە تارتۋدى تالاپ ەتىپ وتىر. پەتيسياعا ءقازىردىڭ وزىندە 150 مىڭنان استام قول جينالدى. ءبىزدىڭ اكادەميا عىلىمي زەرتتەۋ جۇرگىزدى، ءبىراق ولاردىڭ قورىتىندىسى بويىنشا بۇل قۇقىق بۇزۋشىلىقتاردى قىلمىستىق جاۋاپكەرشىلىككە تارتۋدىڭ قاجەتى جوق ەكەندىگى بەلگىلى بولدى. ويتكەنى، بۇعان دەيىن بۇل وزگەرىستەر اكىمشىلىك قۇقىق بۇزۋشىلىق تۋرالى كودەكستەن قىلمىستىق كودەكسكە ءتورت رەت كوشكەن. قىلمىستىق كودەكستە بولعان كەزدە ۇزاق پروسەسسۋالدىق ارەكەتتەرگە بايلانىستى جابىرلەنۋشىلەر اگرەسسياعا شىداۋعا ءماجبۇر بولدى، تيىسىنشە، شاعىمدار نومەنكلاتۋرالىق ءىس رەتىندە ەسەپتەن شىعارىلدى، ال قول كوتەرگەندەر جازادان قۇتىلىپ كەتەتىن، – دەيدى ساكەن سامەت.

ايتۋىنشا 1 شىلدەدەن باستاپ ءبىز دەكلاراسيالاۋدان جەكە باسىن انىقتاۋ راسىمىنە كوشكەن. ەندى زورلىق-زومبىلىق جاساۋشى ادامدى جازالاۋ ءۇشىن جابىرلەنۋشىنىڭ ارىزى تالاپ ەتىلمەيتىن كورىنەدى. سونىمەن قاتار ق ر اقبتك قايتا تاتۋلاسۋ مۇمكىندىگىن جوققا شىعارادى. ناتيجەسىندە، ولاردىڭ سانى ءتورت ەسەگە وسكەن. 

ءبىر سوزبەن ايتقاندا قازىرگى اكىمشىلىك پروسەدۋرا الدەقايدا ءتيىمدى بولماق. اتالعان جاعداي بىرەر اپتا ۋشىعىپ تۇرعانىنان قاراماستان بۇل ماسەلە سۋ سەپكەندەي باسىلدى. ايكانىڭ تىزىمىندەگىلەردى سىناپ، تالداپ ۇلگەرمەي جاتقان حالىق زورلىق-زومبىلىققا قاتىستى زاڭ وزگەرگەنىن اڭدامادى دا.