پرەزيدەنت ق.توقايەۆتىڭ  «ەگەمەن قازاقستان» گازەتىنە بەرگەن سۇحباتىندا وتكەن جىلعى ماڭىزدى وقيعالارعا، ەلىمىزدىڭ ەكونوميكاسىن دامىتۋداعى ناقتىلى اتقارىلعان ىستەرگە توقتالىپ، باعا بەرىلگەن.  الەۋمەتتىك باعىتتاعى تۇيتكىلدى ماسەلەلەردى شەشۋدەگى قابىلدانعان الەۋمەتتىك كودەكس – مەملەكەتىمىزدەگى وسال توپتاعى ازاماتتارعا كەشەندى تۇردە قولداۋ كورسەتەتىن جان-جاقتى، ءارى ۋاقىتىلى قابىلدانعان قۇجات ەكەنى ايتىلدى. وسى تۇرعىدا اتقارىلعان ىستەر قاتارىنا ەلىمىزدىڭ تۇكپىر-تۇكپىرىندە بوي كوتەرىپ جاتقان ءبىلىم وشاقتارى، دەنساۋلىق ساقتاۋ نىساندارى سالىنىپ جاتقاندىعى، زياندى ەڭبەك جاعدايىنداعى جۇمىس ىستەيتىن قىزمەتكەرلەرگە ارنايى تولەماقى ەنگىزىلۋى، مەديسينا قىزمەتكەرلەرى مەن پەداگوگتەردىڭ جالاقىسى ءوسۋىن ايتۋعا بولادى. بۇل شارالاردىڭ ءبارى دە ەل مۇددەسى  ءۇشىن جاسالىپ، حالىق كوڭىلىنەن شىعا ءبىلدى.

سونداي-اق پرەزيدەنت بۇل يگى باستامالار تۇراقتى ماقساتىمىزعا جەتۋ ءۇشىن جوسپارلى تۇردە  الداعى جىلى دا ءوز جالعاسىن تاباتىنىن ايتىلدى.

پرەزيدەنت سۇحباتىندا ايتىلعان ماڭىزدى ماسەلەردىڭ ءبىرى – 2029 جىلعا قاراي جالپى ىشكى ءونىمدى قازىرگىدەن ەكى ەسەگە ارتتىرۋ ماسەلەسىن باستى ستراتەگيالىق ماقسات رەتىندە بەلگىلەۋى. ەلىمىزدىڭ ەكونوميكالىق وركەندەۋى جولىندا بۇل ۋاقىتىلى ءارى دۇرىس قابىلدانعان ماقسات ەكەنى ءسوزسىز.

سۇحباتتا پرەزيدەنت ق.توقايەۆ ەكونوميكالىق، قوعامدىق-ساياسي جانە گۋمانيتارلىق سالالاردا اتقارىلاتىن جۇمىستاردى اتاپ كورسەتىپ، ولاردىڭ ماڭىزدىلىعىنا توقتالدى.  جوسپارلانعان بۇل شارالاردىڭ قاي–قايسى بولماسىن تۇتاس ۇلتتىڭ وسىپ-وركەندەۋىنە قوسار ۇلەس ەكەنى ايتىلدى.

پرەزيدەنت سۇحباتىندا ايتىلعان كەز كەلگەن ماسەلەگە بايىپتاي قاراساق، ءاربىر قويىلعان ماقسات پەن مەجەگە جەتۋ ءۇشىن ەڭ ءبىرىنشى ادالدىق، جاۋاپكەرشىلىك، ۇلتىمىزعا دەگەن قۇرمەت قاجەت ەكەنىنە باسا ءمان بەرىلگەن.

«ۇلتىمىز وسىپ-وركەندەسىن دەسەك، ءبىز جاقسىدان ۇيرەنىپ، جاماننان جيرەنە ءبىلۋىمىز كەرەك. قوعامدا ەڭبەكقورلىق پەن جاسامپازدىق جوعارى باعالانۋعا، ءبىلىمپازدىق پەن جاڭاشىلدىق سالتانات قۇرۋعا ءتيىس»، - دەپ ادام بويىنداعى ەڭ باستى قاسيەتتەردى ورىندى كورسەتە ءبىلدى. پرەزيدەنتىمىز اتاپ وتكەن، تاۋەلسىز ەلىمىزدى دامىتۋ جولىنداعى باستى ماقساتتارعا جەتۋ جولىندا ادال ءارى قالتقىسىز قىزمەت ەتۋ، ءوز ۇلەسىمىزدى قوسۋ – ءاربىرىمىزدىڭ ازاماتتىق  پارىزىمىز. سۇحباتتا ايتىلعانداي تەك قانا العا قاراپ، الىستى  كوزدەيتىن ماقساتتارعا ۇمتىلۋىمىز كەرەك. سوندا عانا كەلەشەگىمىز جارقىن بولماق!

ءال-فارابي اتىنداعى قازۇۋ جوو-عا دەيىنگى ءبىلىم بەرۋ فاكۋلتەتى
جوو-عا دەيىنگى دايىندىق كافەدراسىنىڭ وقىتۋشىلارى:
ج.ت. يبرايموۆا، گ.م. مۋجيگوۆا، س.ا. نۋسۋپبايەۆا