الماتى قالاسى بويىنشا سىبايلاس جەمقورلىققا قارسى قىزمەتتىڭ حابارلاۋىنشا، جەتىسۋ اۋدانى اكىمىنىڭ ورىنباسارىنا قاتىستى سوتقا دەيىنگى تەرگەۋ باستالدى.
ول جەرگىلىكتى كاسىپكەرلەردەن 14 ميلليون تەڭگە كولەمىندە پارا الدى دەگەن كۇدىككە ىلىكتى.
ول اقشانى مەملەكەتتىك ساتىپ الۋ شارتتارىن جاساسۋعا، ورىندالعان جۇمىستار اكتىلەرىنە قول قويعانى ءۇشىن العان ەكەن.
تەرگەۋ سوتىنىڭ سانكسياسىمەن كۇدىكتى قاماۋعا الىندى.
تەرگەۋ جالعاسۋدا.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
پىكىر قالدىرۋ