جازۋشى مۇحتار ماعاۋين ەلدەگى ءدىني احۋالعا قاتىستى پىكىر ءبىلدىرىپ، قازاقتىڭ دىننەن ارىلۋى كەرەگىن ايتتى. بۇل تۋرالى جازۋشى "حالىق ءۇنى" پورتالىنىڭ ءجۋرناليسى ايا ءومىرتايعا بەرگەن سۇحباتىندا ايتتى. 

"ءدىن دەگەن اپيىن دەگەن. سول دۇرىس ءسوز. ونىڭ ءمانىسىن ۇعىنىپ جاتقان جوق. اپيىن از قولدانسا ەم، كوپ قولدانسا اۋرۋ. مەن سولاي ۇعىنامىن. 19 عاسىرداعى قازاقتىڭ زيالىلارى، وقىعاندارى نەگە قارسى كۇرەستى؟ وتارلىققا قارسى ارەكەت جاساپ، دىنگە قارسى كۇرەستى. ءدىن دەگەن قاراڭعىلىق. اسىرەدىنشىلدىكتىڭ تۇككە كەرەگى جوق. مادەنيەت پەن ءعىلىم-بىلىمدى جەتكىزەتىن ءدىن ەمەس. مەشىت ەمەس، مەكتەپ. بىزگە ارابتىڭ نە كەرەگى بار؟ ونىڭ ءبارى ءبىزدىڭ تابيعاتىمىزعا جات نارسە. جالپى دىنشىلدىكتى ازايتۋ كەرەك. قازاق دىننەن ارىلۋ كەرەك.  كادىمگى زيالىلىققا جەتۋ كەرەك. زايىرلى مەملەكەتتىك ساناعا جەتۋ كەرەك. اسىرەسە، بالالاردى بۇزىپ بارا جاتىر. جازاتىن دا، ايتاتىن دا نارسە كوپ. ەندى ويلاماعان جەردە، ءدىن قازاققا قايشى بولىپ شىقتى. ءدىندارلار قازاقتىڭ سالتى مەن داستۇرىنە قارسى. كيىمىنە قارسى. ءتىپتى، قازاقتىڭ ءتىلىن ءبۇلدىردى. سوڭىندا بەيىت تۇرعىزۋعا قارسى شىعىپ، كەلىن سالەم بەرمەۋ كەرەك دەدى. وسىنىڭ ءبارى قازاقتى قۇرتاتىن نارسە. ءبىرازىنا زاڭ جۇزىندە شارا قولدانۋ كەرەك. كەشەگى سالافيتتەردىڭ ناسيحاتشىلارى بار كورىنەدى. نازاربايەۆتىڭ ءىنىسىنىڭ بالاسى ءقازىر تۇرمەدە وتىر. ولارعا مەملەكەت تاراپىنان، نازاربايەۆتىڭ تاراپىنان قولداۋ بولدى. ويتكەنى ول قازاقتى ەكىگە بولەدى. ناسيحاتى ۇكىمەتكە قارسى بولماسا بولدى. مەملەكەتتىك ۇلتتىق سانادان ايىرادى. سوندىقتان بۇل قازاققا قارسى جاسالعان قىلمىس بولاتىن"، دەيدى مۇحتار ماعاۋين.