2023 جىلى 214 وتباسى جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە قونىس اۋدارۋشىلار مەن  قانداستاردى جانە ولاردىڭ وتباسى مۇشەلەرىن  بەيىمدەۋ جانە ينتەگراسيالاۋ بويىنشا قىزمەتتەر كورسەتۋ جونىندەگى پيلوتتىق جوباعا قاتىستى.

پيلوتتىق جوباعا الماتى، جامبىل، جەتىسۋ، قىزىلوردا، ماڭعىستاۋ، تۇركىستان وبلىستارىنان، استانا، الماتى، شىمكەنت قالالارىنان قونىس اۋدارۋشىلار قاتىستى.

پيلوتتىق جوبا قونىس اۋدارۋشىلار مەن قانداستاردىڭ وتباسىلارىن بەيىمدەۋدىڭ جەكە جوسپارىن جاساۋ جانە قاتىسۋشىلارعا مانساپ ورتالىقتارى قىزمەتكەرلەرىنىڭ قاتارىنان جەكە كومەكشىلەردى بەكىتۋ ارقىلى سۇيەمەلدەۋدى كوزدەيدى.

بەيىمدەلۋدىڭ جەكە جوسپارى 25 قىزمەتتى قامتيدى. ولاردىڭ ىشىندە: قونىس اۋدارۋ وڭىرىنە كوشۋ جانە ورنالاستىرۋ (كەلگەن كۇنى، تاسىمالداۋ ءتۇرى، كەلەتىن وتباسى مۇشەلەرىنىڭ سانى)؛ ماتەريالدىق كومەكتى، ونىڭ ىشىندە ەكونوميكالىق موبيلدىلىك سەرتيفيكاتىن رەسىمدەۋ؛ تۇراقتى جۇمىس ورنىنا جۇمىسقا ورنالاستىرۋ، سونداي-اق قاجەت بولعان جاعدايدا كاسىپتىك دايارلاۋ، قايتا دايارلاۋ جانە بىلىكتىلىگىن ارتتىرۋ؛ تۇرۋعا ارنالعان تۇرعىن ءۇيدى ىزدەۋ جانە ىرىكتەۋ ەكونوميكالىق ۇتقىرلىق سەرتيفيكاتى ارقىلى تولەنەتىن وتباسىلار؛ وتباسى مۇشەلەرىن بەيىمدەۋ جانە بىرىكتىرۋ.

قونىس اۋدارۋشىنىڭ نەمەسە قانداستىڭ، سونداي-اق ونىڭ وتباسى مۇشەلەرىنىڭ تۇرعىلىقتى جەرى وزگەرگەننەن كەيىن بەس جىل ىشىندە مانساپ ورتالىعىنىڭ ماماندارى بەيىمدەلۋ مەن ينتەگراسيا بارىسىنا مونيتورينگ جۇرگىزەتىن بولادى. ول ءۇشىن وتباسىنىڭ سيفرلىق كارتاسىنان الىنعان دەرەكتەر جانە الەۋمەتتىك ءال-اۋقاتتى قاداعالاۋعا ارنالعان ارنايى ءموبيلدى قوسىمشا پايدالانىلادى.

پيلوتتىق جوباعا قاتىسۋشىلاردىڭ ءبىرى قحر-دان قونىس اۋدارعان – ماينا كاليماشتىڭ وتباسى بولدى. شىعىس قازاقستان وبلىسىنىڭ ەڭبەك موبيلدىلىگى ورتالىعى ولارعا بەيىمدەۋ مەن ينتەگراسيالاۋدىڭ جەكە جوسپارىن جاسادى. قانداستاردى قابىلداۋ جونىندەگى كوميسسيانىڭ وتىرىسىندا ماينانىڭ وتباسىن وڭىرلىك كۆوتاعا قوسۋ تۋرالى وڭ شەشىم قابىلداندى، سونداي-اق مانساپ ورتالىعى وتباسىنىڭ ءاربىر مۇشەسىنە 70 اەك مولشەرىندە كوشۋگە ارنالعان شىعىستاردى وتەۋ تۋرالى شەشىم قابىلدادى.

«مەن قحر-دان ەرىكتى قونىس اۋدارۋ باعدارلاماسى بويىنشا كوشىپ كەلدىم جانە شىعىس قازاقستان وبلىسىندا قونىستانۋعا شەشىم قابىلدادىم. وسكەمەن قالاسىنىڭ مانساپ ورتالىعى قىزمەتكەرلەرىنىڭ ارقاسىندا بىزگە ءتيىستى بارلىق مەملەكەتتىك قولداۋ شارالارىن الدىم»، – دەپ ءبولىستى قونىس اۋدارۋشى.

بەيىمدەۋ مەن ينتەگراسيالاۋدىڭ جەكە جوسپارى اياسىندا ماينانىڭ وتباسى قازاقستاننىڭ تاريحى مەن مادەنيەتىمەن تانىستى. ماينانىڭ بالالارى وسكەمەن قالاسىنىڭ ورتا مەكتەبىندە ءبىلىم الاتىن بولدى. ال زاڭ ماماندىعى بويىنشا جوعارى ءبىلىمى بار ماينانى جۇمىسقا ورنالاستىرۋ شارالارى قارالۋدا.

ەستەرىڭىزگە سالا كەتەيىك، 2023 جىلى شىعىس قازاقستان جانە پاۆلودار وبلىستارىندا جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە قونىس اۋدارۋشىلار جانە  قانداستار مەن ولاردىڭ وتباسى مۇشەلەرىن  بەيىمدەۋ جانە ينتەگراسيالاۋ بويىنشا قىزمەتتەر كورسەتۋ جونىندەگى پيلوتتىق جوبا ىسكە قوسىلدى. 2024 جىلى بۇل تەتىك ەلىمىزدىڭ باسقا دا ەڭبەك كۇشى تاپشى وڭىرلەرىندە كەڭىنەن قولدانىلاتىن بولادى.