وقۋشىلار كانيكۋلعا شىعادى
ەلىمىزدىڭ مەكتەپتەرىندە 2024 جىلعى 8 قاڭتاردان باستاپ، 10 وقۋ اپتاسىنان تۇراتىن III توقسان باستالدى.
ال 5-11 اقپان ارالىعىندا 1-سىنىپتا ءبىلىم الۋشىلارعا (كۇنتىزبەلىك 7 كۇن) قوسىمشا دەمالىس بەرىلەدى.
"ەلوردا جاستارى" باعدارلاماسى باستالادى
1 اقپاننان باستاپ استانالىق جاستار "ەلوردا جاستارى" باعدارلاماسىنا قاتىسۋعا ءوتىنىش بەرە الادى.
قۇجات تاپسىرۋ 2024 جىلعى 1 اقپاندا ساعات 9:00-دەن باستالىپپ 2024 جىلعى 6 اقپان كۇنگى ساعات 23.59 دەيىن وتەدى.
وتىنىشتەردى قابىلداۋ birge.astana.kz پورتالى ارقىلى ەلەكتروندىق تۇردە جۇزەگە اسىرىلادى.
بالالارعا اقشا اۋدارىلادى
ەلىمىزدە 1 قاڭتاردان باستاپ "ۇلتتىق قور – بالالارعا" جوباسى ىسكە قوسىلدى.
1 اقپاننان باستاپ العاشقى قاراجات اۋدارىلدى. قور ينۆەستيسيالىق تابىسىنىڭ 50 پايىزى 18 جاسقا دەيىنگى بارلىق جاستاعى بالالارعا تەڭدەي بولىنەدى. ونى ءبىلىم الۋعا نەمەسە باسپانا الۋعا جۇمساۋعا بولادى.
كاسىبي ماماندار مەرەكەسى
1 اقپان – قازاقستاننىڭ اۆياسيالىق قاۋىپسىزدىك قىزمەتى كۇنى. بۇل كۇنى اۆياسيا سالاسىنا ۇلەس قوسىپ كەلە جاتقان قىزمەتكەرلەر ماراپاتتالادى.
“AQYL” دەپوزيتىن اشۋعا بولادى
2024 جىلعى 1 اقپاننان باستاپ “AQYL” ءبىلىم بەرۋ جيناقتاۋ دەپوزيتىن اشۋعا بولادى.
“AQYL” ءبىلىم بەرۋ جيناقتاۋ دەپوزيتى - بۇل قازاقستان رەسپۋبليكاسىنىڭ كەز كەلگەن ازاماتى ءۇشىن بولاشاقتا ءوز اتىنا نەمەسە بالاسىنىڭ اتىنا ەلىمىزدە جانە شەتەلدە ءبىلىم اقىسىن تولەۋ ءۇشىن پايدالانۋعا بولاتىن ءبىلىم بەرۋ جيناقتاۋ دەپوزيتتىن اشۋدىڭ ءتيىمدى مۇمكىندىگى.
سىياقى مولشەرلەمەلەرى:
3 جىل – جىلدىق 12% (جتسم 12،9% دەيىن)
5 جىل – جىلدىق 9،5% (جتسم 10،1% دەيىن)
جىل سايىنعى مەملەكەتتىك سىيلىقاقى:
7%:
- جەتىم بالالار؛
- اتا-اناسىنىڭ قامقورلىعىنسىز قالعان بالالار؛
- مۇگەدەكتىگى بار ادامدار؛
- كوپ بالالى وتباسىلاردان شىققان بالالار؛
- از قامتىلعان وتباسىلاردان شىققان بالالار ءۇشىن.
5%:
- حالىقتىڭ قالعان ساناتتارى ءۇشىن.
مەملەكەتتىك سىيلىقاقىنىڭ ەڭ جوعارى مولشەرى-رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ ءجۇز ەسەلەنگەن مولشەرىنەن اسپايدى (2024 جىلى 100 اەك - 369 200 تەڭگە).
پىكىر قالدىرۋ