بۇكىل قازاقتىڭ ساياسي ورتالىعىنا اينالعان ۇلتتىق گازەت سول كەزەڭدەگى جالپى مۇسىلمان تۇركى جۇرتىنا تۇسىنىكتى قارىپتە باسىلىپ شىعىپ تۇردى.
«كيرگيز» دەپ ءوز اتىمىزبەن اتاماعان كەزەڭدە الاش كوسەمدەرى «قازاق» گازەتىن شىعارىپ، سونىڭ ماڭايىنا توپتاستى.
احمەت بايتۇرسىنوۆ:
«اتالى جۇرتىمىزدىڭ، اۋداندى ۇلتىمىزدىڭ ارۋاقتى اتى دەپ، گازەتىمىزدىڭ ەسىمىن «قازاق» قويدىق. ۇلت ءۇشىن دەگەن ءىستىڭ ۇلعايۋىنا كۇشىن قوسىپ، كومەكتەسىپ، قىزمەت ەتۋ قازاق بالاسىنا مىندەت. حالىققا قىزمەت ەتەمىن دەسەڭدەر، ازاماتتار، تۋرا جولدىڭ ءبىرى وسى»، – دەپ جازدى.
راسىندا، «قازاق» گازەتى حالىق الدىنداعى ءوز ميسسياسىن جەتكىلىكتى دەڭگەيدە ورىندادى. ول ۇلت مۇددەسى ماڭىنا حالىقتى ۇيىستىرىپ قانا قويماي، ازاتتىق قوزعالىستىڭ وركەنيەتتى ءتۇرىن تانىتا ءبىلدى. سونداي-اق قازاق ادەبي ءتىلىنىڭ جالپىحالىقتىق قولدانىسقا ەنگىزىلۋىنە ات سالىسىپ، جالپى كاسىبي گازەت ءستيلىن قالىپتاستىرىپ كەتتى. سول سەبەپتى دە ەلىمىزدە بۇل كۇندى ۇلتتىق باسىلىم كۇنى دەپ اتاۋ تۋرالى شەشىم قابىلدانعان.
ايتا كەتسەك، 2023 جىلى ق ر ۇكىمەتىنىڭ قاۋلىسىمەن 2 اقپان ۇلتتىق باسىلىم كۇنى بولىپ بەكىتىلدى.
پىكىر قالدىرۋ