ايتا كەتسەك، 2024 جىلعى 24 قاڭتاردا TEZ.KZ تۋروپەراتورى قىزمەتىن توقتاتا تۇراتىنىن حابارلاعان ەدى. اتالعان تۋروپەراتور قىزمەتىن توقتاتا تۇراتىنى تۋرالى اقپارات تاراعان كەزدە شەتەلدە 313 وتاندىق تۋريست بولعان. وسىعان بايلانىستى ق ر تۋريزم جانە سپورت مينيسترلىگىنىڭ ۇيلەستىرۋىمەن ەل ازاماتتارىنىڭ كوشپەلى تۋريزم سالاسىنداعى قۇقىقتارىنا كەپىلدىك بەرۋ جۇيەسىنىڭ اكىمشىسى «تۋريستىك قامقور» قورى قازاقستاندىق تۋريستەردى قايتارۋ بويىنشا جۇمىستى ۇيىمداستىردى.
«قازىرگى ۋاقىتتا بارلىق تۋريست قازاقستانعا ورالدى. مينيسترلىك پەن قوردىڭ بىرلەسكەن جۇمىسىنىڭ ناتيجەسىندە تۋريستەر ەلگە ورالۋ كەزىندە ەشقانداي كەدەرگىگە تاپ بولعان جوق. ولاردىڭ دەمالىسى تۋردا كورسەتىلگەن مەرزىمگە سايكەس ءوتىپ، ۇشىپ كەلۋ ۋاقىتى تۋرپاكەتتە جوسپارلانعان كۇندەرى جۇزەگە اسىرىلدى»، دەلىنگەن ق ر تسم باسپا ءسوز قىزمەتىنىڭ حابارلاماسىندا.
پىكىر قالدىرۋ