ولاردىڭ ءبىرى - تاراز قالاسى اكىمدىگىنىڭ تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى ز. تۇرسىن ۇلى، ەكىنشىسى - «الماتىمونتاجستروي» ج ش س ديرەكتورىنىڭ ورىنباسارى ە. شلەيەۆ.

تاراز قالاسىنىڭ پروكۋراتۋراسىنىڭ مالىمەتىنشە، ولار قالا كوشەلەرىن ورتاشا جوندەۋ جۇمىستارىن جۇرگىزۋ كەزىندە 34،2 ملن تەڭگە بيۋدجەت قاراجاتىن جىمقىرعان.

اتالعان فاكتىگە سايكەس، تاراز قالاسىنىڭ پروكۋراتۋراسى قىلمىستىق كودەكستىڭ 189-بابى 4-بولىگىنىڭ 2-تارماعى (جىمقىرۋ) بويىنشا قىلمىستىق ءىس تىركەپ، تەرگەپ-تەكسەرۋ وبلىستىق پروكۋراتۋرامەن جۇرگىزىلدى.

سوتقا دەيىنگى تەرگەپ-تەكسەرۋ بارىسىندا مەملەكەتكە كەلتىرىلگەن زالال تولىق كولەمدە وتەلدى.

تاراز قالالىق №2 سوتىنىڭ ۇكىمىمەن ز.تۇرسىن ۇلى مەن ە.شلەيەۆ ق ر قىلمىستىق كودەكستىڭ 189-بابى 4-بولىگىنىڭ 2-تارماعىمەن كىنالى دەپ تانىلىپ، 8 جىلعا باس بوستاندىقتارىنان ايىرىلدى.

ۇكىم زاڭدى كۇشىنە ەنگەن جوق.