قازاقستان رەسپۋبليكاسى حالقىنىڭ اراسىندا اۋا-تامشى جولى ارقىلى بەرىلەتىن ينفەكسيالىق اۋرۋلاردىڭ (قىزىلشا، COVID-19 كوروناۆيرۋس ينفەكسياسى، تۇماۋ جانە باسقا دا ءجىتى رەسپيراتورلىق ۆيرۋستىق ينفەكسيالار) تارالۋىنىڭ الدىن الۋ ماقساتىندا قاۋلى ەتەمىن:

1. سانيتاريالىق-ەپيدەميولوگيالىق باقىلاۋ كوميتەتىنىڭ وبلىستاردىڭ، الماتى، استانا، شىمكەنت قالالارىنىڭ دەنساۋلىق ساقتاۋ باسقارمالارىنىڭ، اۋماقتىق دەپارتامەنتتەرىنىڭ (بۇدان ءارى – اۋماقتىق دەپارتامەنتتەر) باسشىلارى:

1) مەديسينالىق ۇيىمداردا پەرسونالدىڭ جانە كەلۋشىلەردىڭ مەديسينالىق ماسكالاردى پايدالانۋىن، انتيسەپتيكتەردىڭ بولۋىن؛

2) حالىق اراسىندا COVID-19 كوروناۆيرۋس ينفەكسياسىنىڭ، تۇماۋدىڭ جانە جرۆي پروفيلاكتيكا شارالارى تۋرالى ءاقپاراتتىق-تۇسىندىرۋ جۇمىسىن جۇرگىزۋدى قامتاماسىز ەتسىن.

2. وبلىستاردىڭ، الماتى، استانا، شىمكەنت قالالارىنىڭ جەرگىلىكتى اتقارۋشى ورگاندارىنا، ورتالىق مەملەكەتتىك ورگاندارعا، مەنشىك نىسانىنا قاراماستان جەكە جانە زاڭدى تۇلعالارعا:

1) حالىقتىڭ كوپ جينالاتىن جەرلەرىندە (اۋەجايلار، تەمىرجول ۆوكزالدارى، اۆتوۆوكزالدار، بازارلار، ساۋدا-ويىن-ساۋىق ورتالىقتارى، ساۋدا ۇيلەرى، تەاترلار، كينوتەاترلار، حقكو-ى، بانكتەر جانە ت.ب.)، كولىكتىڭ بارلىق تۇرلەرىندە (قوعامدىق كولىك، اۋە، تەمىر جول كولىگى) مەديسينالىق نەمەسە ماتادان تىگىلگەن ماسكالاردى پايدالانۋعا ۇسىنىم بەرىلسىن.

3. وسى قاۋلىنىڭ ورىندالۋىن باقىلاۋدى وزىمە قالدىرامىن.
4. وسى قاۋلى قول قويىلعان كۇننەن باستاپ كۇشىنە ەنەدى.

قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرى ا. ەسماعامبەتوۆا، 08.02.2024