ەمتيحان كەزىندە زاڭ بۇزۋشىلىقتار، كوبىنەسە شىمكەنتتە (76)، تۇركىستان وبلىسىندا (58) جانە الماتىدا (28 رەت) تىركەلدى. ەمتيحان تاپسىرۋشىلار ميكروقۇلاققاپ، كامەرالار، قاشىقتان قول جەتكىزۋ قۇرىلعىلارى مەن بەيتانىس ادامداردىڭ كومەگىن پايدالانعان.

«ماسەلەن، شىمكەنتتىكتەر ميكروكامەرا تىگىلگەن ءبىر جەيدەنى كەزەكپەن كيىپ ەمتيحان تاپسىرعان. جول ءجۇرۋ ەرەجەلەرى 3.0 جۇيەسى قىزمەت الۋشىلاردىڭ كيىمدەرىندەگى جىپىلىقتاعان قۇرىلعى شامىن تانىپ، مەملەكەتتىك كورپوراسيا قىزمەتكەرلەرىنە ىقتيمال بۇزۋشىلىقتار تۋرالى بەلگى بەردى. ناتيجەسىندە بۇل ازاماتتار تەستىلەۋدەن شەتتەتىلىپ، ناتيجەلەرى جويىلدى. بەكىتىلگەن ەرەجەگە سايكەس، ولار ەندى ءۇش ايدان كەيىن عانا ەمتيحان تاپسىرا الادى»، دەلىنگەن "ازاماتتارعا ارنالعان ۇكىمەت" مەملەكەتتىك كورپوراسياسىنىڭ حابارلاماسىندا.