قازاقستاندا «قانداس» مارتەبەسىن بەرۋ ءتارتىبىن جەتىلدىرۋگە باعىتتالعان جاڭا نورما ازىرلەندى.
ەندى «قانداس» مارتەبەسىن جانە قازاقستان ازاماتتىعىن الۋ ءۇشىن ءوتىنىش بىلدىرگەن ادامداردىڭ ۇلتى قازاق ەكەنىن انىقتاۋ ءتارتىبى جەرگىلىكتى اتقارۋشى ورگانداردىڭ قۇزىرەتىنە كىرەدى.
سونداي-اق قانداستاردى قابىلداۋدىڭ وڭىرلىك كۆوتاسىنا ەتنيكالىق قازاقتاردىڭ جەكە وتباسى مۇشەلەرى، قانداستاردىڭ جەسىرلەرى جانە ولاردىڭ ورتاق بالالارى ەنگىزىلەدى.
ەندى ەلىمىزدە زاڭدى تۇردە تۇراقتى تۇراتىن قازاقستان رەسپۋبليكاسى ازاماتتارىنىڭ جەسىرلەرى تۇرۋ مەرزىمىنە قاراماستان وڭايلاتىلعان (تىركەۋ) تارتىپپەن قازاقستان ازاماتتىعىن الا الادى. سونداي-اق بۇل قاتارعا حالىقارالىق شارتتار نەگىزىندە وڭايلاتىلعان تارتىپپەن قازاقستان ازاماتتىعىن الۋعا قۇقىعى بار ادامدار دا كىرەدى.
پىكىر قالدىرۋ