سەيسمولوگتىڭ ايتۋىنشا وسى ەرەجەلەردى ءاربىر الماتىلىق ءبىلۋى ءتيىس:
- سابىرلى بولىڭىز، ۇرەيلەنبەڭىز؛
- ءدۇمپۋ كەزىندە ليفت پەن باسپالداقتى پايدالانباڭىز، ءۇي ىشىندە ءدۇمپۋدىڭ باسىلعانىن كۇتىڭىز؛
- جيھازداردان، تەرەزەلەردەن، شامداردان، ليۋسترالاردان الىسىراق بولىڭىز؛
- تىعىلاتىن ورىن تابىڭىز – "ءومىر ءۇشبۇرىشى" (كوتەرگىش/نەگىزگى/ىشكى قابىرعالاردىڭ بۇرىشىنان ورىن الىڭىز)؛
- عيماراتتان شىعۋ (كوپقاباتتى ۇيلەردە – جەر استى دۇمپۋلەرى توقتاعاننان كەيىن)؛
- سۋدى، گازدى، ەلەكتر قۋاتىن ءوشىرىڭىز؛
- الدىن الا دايىندالعان "دابىل چەمودانىن" الىڭىز؛
- عيماراتتى ەۆاكۋاسيالاۋ كەزىندە ەلەكتر جەلىلەرىنەن، عيماراتتاردان، اعاشتاردان اۋلاق بولۋ كەرەك؛
- جەر استى دۇمپۋلەرىنە دايىن بولىڭىز؛
- بالالارعا، قارتتارعا، مۇگەدەكتەرگە كومەك كورسەتىڭىز.
سونداي-اق ول الماتى 9-10 باللدىق سەيسميكالىق ايماقتا ورنالاسقان. سوندىقتان توتەنشە جاعدايعا ءاربىر ازامات دايىن بولۋى قاجەت ەكەنىن ايتادى.
الماتىلىقتار ءۇشىن جەر سىلكىنىسى بولعان جاعدايدا وتباسىلىق نەمەسە ۇجىمدىق ءىس-قيمىل جوسپارىن الدىن الا جاساۋ ماڭىزدى:
- جەر سىلكىنىسىنەن كەيىن وتباسىنىڭ جينالاتىن ورنىن الدىن الا بەلگىلەڭىز؛
- جەراستى دۇمپۋلەرىن كۇتۋ ءۇشىن پاتەرىڭىزدەگى نەمەسە ۇيىڭىزدەگى ەڭ ءقاۋىپسىز ورىنداردى الدىن الا انىقتاڭىز. مۇنداي ورىندارعا: نەگىزگى ىشكى قابىرعالاردىڭ جانىنداعى ورىندار، ىشكى نەگىزگى قابىرعالاردان قۇرالعان بۇرىشتار جاتادى؛
- عيماراتتان ەڭ قىسقا قاشۋ جولىن انىقتاڭىز نەمەسە عيمارات ىشىندە ءقاۋىپسىز ورىن الىڭىز. شكافتاردىڭ ۇستىڭگى سورەلەرىنەن اۋىر زاتتار مەن ىدىستاردى الىپ تاستاۋ قاجەت.
ەۆاكۋاسيادان كەيىن اۋقىمدى توتەنشە جاعداي تۋىنداعان كەزدە ورنالاستىرىلاتىن جاقىن ماڭداعى قابىلداۋ پۋنكتىنە بارۋ كەرەك. الماتىدا زارداپ شەككەن تۇرعىنداردى قابىلدايتىن 384 پۋنكت بار. توتەنشە جاعدايلاردان زارداپ شەككەندەر مەن تۇرعىنداردى قابىلداۋ پۋنكتتەرى، ادەتتە، ءبىلىم بەرۋ ۇيىمدارىندا – مەكتەپتەردە، بالاباقشالاردا، كوللەدجدەردە، جوعارى وقۋ ورىندارىندا ورنالاسادى.
پىكىر قالدىرۋ