ورتالىق مالىمەتىنشە، 2023 جىلى قارجىلاي ماندە تازارتىلماعان ماي ەكسپورتى كەمىدى.

«نەگىزگى سەبەبى – ەكسپورتتىق باعانىڭ تومەندەۋى. 2022 جىلدىڭ قازانىنان بەرى تازارتىلماعان مايدىڭ الەمدىك باعاسى تۇراقتى تۇردە تومەندەپ كەلەدى. مامىرداعى جالپى قۇلدىراۋ 31 پايىزدى (ەۋرومەن ەسەپتەگەندە) نەمەسە تەڭگەمەن ەسەپتەگەن 28 پايىزدى قۇرادى»، - دەپ تۇسىندىرەدى «QazTrade» اگەنتتىك ءتىلشىسىنىڭ ساۋالىنا وراي.

سونىمەن قاتار ۇن ەكسپورتىنان تۇسەتىن قاراجاتتىڭ تومەندەۋىنە دە ەكسپورتتىق باعانىڭ ارزانداۋى باستى سەبەپ بولىپ وتىر. دەگەنمەن ناقتى ماندە ۇن ەكسپورتى 2 پايىزعا ارتقان.

مۇنان بولەك، كۇكىرت ەكسپورتى 13 پايىزعا ارتقانىمەن اقشالاي ماندە ەكسپورتتىق ءتۇسىم كەمىدى. وتكەن جىلى كۇكىرتتىڭ ورتاشا باعاسى 2022 جىلمەن سالىستىرعاندا 3 ەسەگە قۇلدىرادى.

ەلىمىزدىڭ ىشكى نارىعىندا سۇيىتىلعان گاز تاپشىلىعى بايقالادى. ءدال وسى جايت كوگىلدىر وتىن ەكسپورتىنىڭ قىسقارۋىنا تۇرتكى بولدى.

ەۋروپالىق وداققا وڭدەلمەگەن اليۋمينيي جەتكىزۋ كولەمى بىردەن 30 پايىزعا ازايدى. وعان ەلەكتر ەنەرگياسى باعاسىنىڭ قىمبات بولۋىنا بايلانىستى ەو-داعى ءونىم ءوندىرىسىنىڭ قىسقارۋى سەبەپ.

فەرروقورىتپاعا كەلەر بولساق، بۇل ءونىمنىڭ ەكسپورتى اقش، جاپونيا، يندونەزيا جانە رەسەي باعىتىندا كەمىدى. ويتكەنى، اتالعان ەلدەر فەرروقورىتپا يمپورتىن قىسقارتىپ وتىر.

قازاقستانعا مۇناي ونىمدەرىنىڭ ەكسپورتى نيدەرلاندى مەن تۇركيا باعىتىندا عانا 37،1 پايىزعا ازايدى.

«نيدەرلاندى كورشىلەس ەلدەردەن، ماسەلەن بەلگيا مەن ۇلىبريتانيادان ساتىپ الۋدى ارتتىردى. تۇركيا رەسەي مەن ءۇندىستاننان الىپ جاتىر»، - دەپ ءمالىم ەتتى «QazTrade».

وڭدەلمەگەن مىرىش ەكسپورتى دا تومەندەدى. بۇل جايتقا مىرىشتىڭ الەمدىك باعاسىنىڭ تومەندەۋى اسەر ەتتى.