ىشكى ىستەر مينيسترلىگىنىڭ اپتالىق باسپا ءسوز ءماسليحاتىندا «جاڭا زاڭ جوباسىندا 16 جاسقا دەيىنگى بالالاردى قوعامدىق كولىكتەن ماجبۇرلەپ شىعارىپ جىبەرگەنى ءۇشىن جاۋاپكەرشىلىك قاراستىرىلۋدا. بۇل ءوز كەزەگىندە بيلەتسىز جولاۋشىلاردىڭ كوبەيۋىنە الىپ كەلمەي مە؟» دەگەن سۇراق قويىلدى.
«بۇل نورما الدىمەن بالالاردىڭ قاۋىپسىزدىگى ءۇشىن قاراستىرىلىپ وتىر. مەنىڭ ويىمشا، اتالعان شارا بيلەتسىز جۇرەتىن جولاۋشىلاردىڭ سانىن كوبەيتۋگە جول بەرمەيدى. قوعامدىق كولىك جۇرگىزۋشىسى نەمەسە كوندۋكتور پوليسەيلەر مەن قامقورشىلىق قورعاۋ ورگاندارى وكىلدەرىن شاقىرادى، سودان كەيىن بالانىڭ اۆتوبۋستا بيلەتسىز ءجۇرۋ سەبەبى انىقتالادى. سەبەپتى انىقتاۋ بارىسىندا اتا-اناسىنىڭ كىناسى بەلگىلى بولسا، ياعني بالاسىنىڭ قوعامدىق كولىك اقىسىن تولەۋىن قامتاماسىز ەتپەسە، وندا اتا-اناعا جاۋاپكەرشىلىك قارالۋى مۇمكىن»، - دەپ جاۋاپ بەردى شىڭعىس الەكەشيەۆ ۆەدومستۆودا وتكەن باسپا ءسوز ءماسليحاتىندا.
پىكىر قالدىرۋ