سۋرەتى قوعام بەلسەندىسى تۇراربەك قۇسايىنوۆ جەلىدەگى پاراقشاسىندا جاريالادى، دەپ جازادى "اق جايىق" باسىلىمى.
سۋرەتتە بەرگەي رىسقالييەۆ پەن اسلان مۋسين لوندونداعى اتاقتى دۇكەننىڭ الدىندا تۇرعانى كورىنىپ تۇر.
ايتا كەتسەك، اتىراۋ وبلىسى جانە اتىراۋ قالاسىنىڭ اكىمى قىزمەتىن اتقارعان بەرگەي رىسقالييەۆكە 2013 جىلدىڭ 5 اقپانىندا ىزدەۋ جاريالاندى. وعان ق ر قىلمىستىق كودەكستىڭ 176-بابى بويىنشا كوزدەلگەن قىلمىستى جاسادى جانە ۇيىمداسقان قىلمىستىق قوعامداستىق قۇردى دەگەن ايىپ تاعىلدى. 2019 جىلدىڭ 25 قاڭتارىندا سىرتتاي سوت وتىرىسى ءوتىپ، ول 17 جىلعا باس بوستاندىعىنان ايىرىلعان بولاتىن.
ول ساياسي سەبەپتەرمەن ۇلىبريتانيادا بوسقىن مارتەبەسىن العان. سەبەبى ەلدىڭ جوعارعى سوتى قىلمىستىق قۋدالاۋدىڭ ساياسي استارى بار دەپ شەشكەن.
ال ىقپالدى ساياساتكەر سانالىپ كەلگەن اسلان مۋسين كەزىندە ق ر پرەزيدەنتى اكىمشىلىگىنىڭ جەتەكشىسى قىزمەتىن اتقارعان. ەسەپ كوميتەتىن دە باسقارعان. 2017 جىلى 24 جەلتوقساندا لاتۆيا استاناسى ريگادا اسلان ءمۋسيننىڭ ۇلى اسىلبەكتىڭ كوز جۇمعانى بەلگىلى بولدى.
پىكىر قالدىرۋ