داڭقتى سپورتشىنىڭ Instagram-داعى پاراقشاسىنداعى جازباسى قازاق تىلىندە باستالادى.
"ءقادىرلى دوستار، بۇگىن قۇتتىقتاۋىن جولداعان بارشا سپورتسۇيەر قاۋىمعا العىسىم شەكسىز! حالىقارالىق وليمپيادالىق قوعامداستىقتا ەلىمىزدىڭ اتىنان قىزمەت ەتۋ مەن ءۇشىن ۇلكەن ابىروي ءارى جاۋاپكەرشىلىك. الدىمىزدا ۇلكەن مىندەتتەر تۇرعانىنا قاراماستان، ەل سپورتىنا پايدام تيەرىنە شىن سەنەمىن! ەڭ باستىسى – ءبىزدىڭ جۇمىس ىستەۋگە دەگەن ۇلكەن نيەتىمىز بەن سىزدەردىڭ شەكسىز قولداۋلارىڭىز بار! راحمەت!"، دەلىنگەن جازبادا.
ايتا كەتسەك، كۇنى كەشە ق ر ۇوك پرەزيدەنتى تيمۋر قۇلىبايەۆ باس اسسامبلەيا مۇشەلەرىنە ۇيىم پرەزيدەنتى رەتىندەگى وكىلەتتىگىن مەرزىمىنەن بۇرىن توقتاتۋ تۋرالى شەشىم قابىلدانعانى بەلگىلى بولدى.
باس اسسامبلەيا مۇشەلەرىنىڭ داۋىس بەرۋ قورىتىندىسى بويىنشا ق ر ۇوك پرەزيدەنتى بولىپ قازاقستان بوكسشىسى، 2004 جىلعى افينى وليمپياداسىنىڭ كۇمىس جۇلدەگەرى، كوپتەگەن اتاقتىڭ يەسى گەنناديي گولوۆكين سايلاندى.
تيمۋر قۇلىبايەۆ - قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ كۇيەۋبالاسى. Forbes-تىڭ 2023 جىلعا ارناعان قورىتىندى ەسەبىندە دينارا قۇلىبايەۆا مەن ونىڭ كۇيەۋى تيمۋر قۇلىبايەۆتىڭ جيىنتىق تابىسى ءبىر جىلدا 800 ملن دوللارعا كوبەيىپ، قازاقستانداعى ەڭ باي ادامدار ءتىزىمىنىڭ العاشقى ۇشتىگىن قۇرايتىنى ناقتىلانادى.
پىكىر قالدىرۋ