ءقوستىلدى، ءبىراق قۇجاتى ورىسشا جۇرەتىن قازاقستان بولعان سوڭ، سولاي ەندى...
ورىس ءتىلىنىڭ بۇكىل زاڭدىلىعىن بۇلجىتپاي ساقتايتىن، ساقىلداپ قالعان قاتقان قوعام قالىپتاسقان قازاقستاندا.
قازاقستاننىڭ ءورىستىلدى قوعامى قازاقتىڭ ءاربىر اتاۋىن، ءتىپتى ادام ەسىمىنە دەيىن ورىسشاعا سالىپ جازادى.
راس، كۋليبايەۆ دەگەن ءبىر ادام، قۇلىبايەۆ دەگەن باسقا بىرەۋ ەكەن دەپ ويلاپ قالۋعا بولادى. ءبىر ادامدى قاشانعى ەكەۋ قىلىپ جۇرەر ەكەنبىز؟
شوكەيدەن تاراعان بوزبالا ءومىرزاق 80ء-شى جىلدارى ماسكەۋگە وقۋعا ۋميرزاك شۋكەيەۆ بولىپ تۇسكەن شىعار. ەرتەڭ 60-قا تولايىن دەپ وتىر. "ۋميرزاك شۋكەيەۆتى 60-قا تولۋىمەن اشيمبايەۆ" قۇتتىقتادى دەپ ورىسشا حابار تارايدى ەرتەڭ.
ايەلىن ولتىرگەن بيشيمبايەۆتى سۋديا كۋلبايەۆا سوتتايدى ەرتەڭ. ال، ۇعىپ كور، كولبايەۆا ما، قۇلبايەۆا ما ەكەن ول؟
قازاقتىڭ اتى مەن تەگىن ءالى كۇنگە ءبىر ىزگە تۇسىرمەگەن ەل بوپ وتىرمىز. قازاقتىڭ ارىپتەرىن، اتاسىنان قالعان ەسىم-سويىن مويىندامايتىن مەملەكەت بوپ تۇرمىز.
ەسەسىنە، تىرىسىندە "مەنىڭ ءاتى-جونىم باسپاسوزدە قازاقشا جازىلسىن" دەپ تالاپ ەتپەگەن كەز-كەلگەن شەنەۋنىكتىڭ ولگەننەن كەيىن زيراتىن قاراساق، وندا ءاتى-جونى تازا قازاقشا، رۋى-تەگىنە دەيىن تۇگەندەلىپ تۇرىپ جازىلادى. تىرىسىندە كەرەك قىلماعان قازاق ارىپتەرىن ولگەن سوڭ زيراتىنا تۇگىن قالدىرماي ءتىزىپ قويادى.
ءومىرىن جالعان ەسىممەن وتكىزەتىن قايران قازاق. قازاقتان شىققان شەندىلەر ءماجىلىس سپيكەرى بولعان نۇرلان نىعماتۋللين قۇرلى جوق. ول ۇلتى باسقا ەكەنىن بىلدىرمەۋ ءۇشىن تەگىندەگى ەكى "ل" ءارىپىنىڭ بىرەۋىن الىپ تاستاۋدى وتىنەتىن باسپا ءسوز قىزمەتىنەن.
