بۇل تۋرالى قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا ايتتى.
ءماجىلىستىڭ جالپى وتىرىسىنان كەيىن ب ا ق وكىلدەرى قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسىنا جاستاردىڭ نەسيە الۋىنا قاتىستى سۇراق قويعان بولاتىن.
- قارىزرگى ۋاقىتتا 18-20 جاس ارالىعىنداعى 500 مىڭعا جۋىق ادامنىڭ تۇتىنۋشىلىق نەسيەسى بار. ونىڭ ىشىندە پروبلەمالىق كرەديتى بار ادامدار سانى - 47 مىڭ جاس. بۇرىن ولار رەسمي تۇردە تابىسى بولماسا دا، كرەديت الا بەرەتىن. ەندى شاكىرتاقىسى نە جالاقىسى، ياعني رەسمي تابىسى بولسا عانا بەرىلەدى. جالپى كرەديت الۋ - ادامنىڭ كونستيتۋسيالىق قۇقىعى. دەگەنمەن تابىسىنا بايلانىستى شەكتەۋ قويا الامىز، - دەيدى ءمادينا ءابىلقاسىموۆا.
ياعني ول "كەيبىر زاڭنامالىق اكتىلەرگە كرەديت بەرۋ كەزىندە تاۋەكەلدەردى بارىنشا ازايتۋ جانە قارىز الۋشىلاردىڭ قۇقىقتارىن قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىندا جاستارعا تۇتىنۋشىلىق كرەديت بەرۋدى شەكتەۋ تەتىكتەرى قاراستىرىلعانىن ايتادى.
پىكىر قالدىرۋ