ءنابي ايتجانوۆ قازاقستاننىڭ 2023 جىلعى ەلەكتر ەنەرگياسىن تۇتىنىسى 115،06 ملرد كۆت/ساعاتتى قۇراعانىن جانە 2022 جىلمەن سالىستىرعاندا ول 1،9%-عا ارتقانىن جەتكىزدى.
"ەلەكتر ەنەرگياسىن ءوندىرۋ 2022 جىلعى دەڭگەيدە قالىپ، 112،82 ملرد كۆت/ساعاتتى قۇرادى. وتكەن جىلى ەڭ كوپ تۇتىنىس 13 جەلتوقساندا تىركەلىپ، 16 626 مۆت-تى قۇرادى، بۇل 2022 جىلعى ەڭ جوعارى دەڭگەيدەن 167 مۆت-قا جوعارى. بۇل رەتتە ەلەكتر گەنەراسياسى 15 107 مۆت قۇرادى، بۇل 2022 جىلعى كورسەتكىشتەن 96 مۆت-قا تومەن. وسىلايشا، 2023 جىلى جۇكتەمە ارتقاندا قازاقستاننىڭ ەلەكتر ستانسيالارىنىڭ گەنەراسياسىندا تومەندەۋ بايقالدى. تۇتىنىس پەن گەنەراسيانىڭ وسى كورسەتكىشتەرىن ەسەپكە العاندا، ەلەكتر قۋاتىنىڭ تاپشىلىعى 1519 مۆت قۇرادى، ونىڭ ورنى رەسەي فەدەراسياسىنان جوسپاردان تىس تاسىمالداۋ ارقىلى جابىلدى"، – دەدى ول.
پىكىر قالدىرۋ