قارجى مونيتورينگى اگەنتتىگىنىڭ باسپا ءسوز قىزمەتىنىڭ مالىمدەۋىنشە، ءتۇرلى كۇماندى ماقساتتارعا اقشا جيناۋعا 138 بانكتىك كارتا (كراۋدفاندينگكە) تارتىلعان.
جالعان كومەك سۇراۋشىلارعا 660 مىڭنان استام قازاقستاندىق ءوز اقشالارىن جولداعان.
بۇل تۋرالى قما الاڭىندا دميتريي مالاحوۆتىڭ توراعالىعىمەن وتكەن قىلمىستىق جولمەن الىنعان كىرىستەردى زاڭداستىرۋدىڭ (جىلىستاتۋدىڭ) الدىن الۋ جانە تەرروريزمدى قارجىلاندىرۋ مەن جاپپاي قىرىپ-جويۋ قارۋىن تاراتۋ ماسەلەلەرى جونىندەگى ۆەدومستۆوارالىق كەڭەستىڭ كەزەكتى وتىرىسى بارىسىندا بەلگىلى بولدى.
جالپى جينالعان قارجى سوماسى 6 ملرد تەڭگەنى قۇرادى، ونىڭ 33% (2 ملرد) الاياقتىق بەلگىلەرى بار.
الەۋمەتتىك جەلىلەردە ۇجىمدىق قاراجات جيناۋدىڭ قاۋىپتەرى جانە ولاردى ودان ءارى ماقساتسىز پايدالانۋ انىقتالدى.
قما باسشىسى د. مالاحوۆ جوسىقسىز ازاماتتار "ەم" جانە "جاعدايى تومەن ادامدارعا كومەك كورسەتۋ" ءۇشىن قايىرىمدىلىق قىزمەتى مەن كومەك كورسەتۋ تۇرىندەگى قاراجات جيناۋدى كەدەرگىسىز جانە باقىلاۋسىز جۇزەگە اسىراتىنىن اتاي وتىرىپ، الاياقتار اقشانى جىلجىمالى جانە جىلجىمايتىن مۇلىكتى ساتىپ الۋعا، تۇرمىستىق شىعىندارعا، بۋكمەكەرلىك كەڭسەلەردە ءباس تىگۋگە جانە شەتەلدەگى قىمبات پاتەرلەردى جالعا الۋعا جۇمسايتىنىن تىلگە تيەك ەتتى. سونداي-اق جاناشىر ازاماتتاردىڭ جاقسى نيەتى، "جالعان" مۇقتاجدار ءۇشىن وڭاي تابىسقا اينالۋى مۇمكىن ەكەنىن ايتادى.
پىكىر قالدىرۋ