تارازدا 33 جاستاعى جۇكتى ايەل پەرزەنتحانانىڭ جۋىناتىن بولمەسىندە اسىلىپ ءولدى، دەپ حابارلايدى Qamshy.kz اقپارات اگەنتتىگى جامبىل وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.
جامبىل وبلىستىق پەريناتالدىق ورتالىعىنىڭ مالىمەتىنشە، جۇكتى ايەل جالعان تولعاق سالدارىنان باقىلاۋدا بولىپ، ءتيىستى ەم قابىلداعان. ورتالىقتا بولعان كەزدە پسيحولوگيالىق اۋىتقۋى بايقالماعان.
«قاجەتتى ساراپتامالار كەشەنى تاعايىندالدى، ولاردى ورىنداۋ جامبىل وبلىسى بويىنشا سوت ساراپتاما ينستيتۋتىنىڭ ماماندارىنا تاپسىرىلدى»، – دەپ حابارلادى وبلىستىق پوليسيا دەپارتامەنتى.
اتالعان دەرەك بويىنشا قىلمىستىق كودەكستىڭ 105-بابىنىڭ 1-بولىگى («ءوزىن-وزى ولتىرۋگە يتەرمەلەۋ») بويىنشا سوتقا دەيىنگى تەرگەۋ باستالدى.
پىكىر قالدىرۋ