«استانا تەمىرجول» فبب وسىمدىكتەر كارانتينى جونىندەگى مەملەكەتتىك ينسپەكتورلارمەن كارانتيندىك فيتوسانيتاريالىق باقىلاۋ قاداعالاۋ جۇمىستارىن جۇرگىزۋ بارىسىندا رەسەي فەدەراسياسى اۋماعىنان اكەلىنگەن 108 ورىن نەمەسە 2700 دانا بولاتىن بۋما پاكەتتە قىزاناقتىڭ تۇقىمدارى ءقاۋىپتى ۆيرۋسپەن زالالدانعانىن انىقتادى. ءونىم ەلوردا اۋماعىنا ەڭگىزۋگە تىيىم سالىندى جانە «نتپ Kazecotech» كومپانياسىنىڭ مامانداندىرىلعان پەشىندە ورتەۋ ادىسىمەن جويىلدى.

قىزاناقتىڭ قوڭىر قاتپارلى ۆيرۋسى (توباموۆيرۋس، ToBRFV) تۇقىمداردا ساقتالادى جانە بايلانىس ارقىلى وڭاي تارالادى. بۇل ۆيرۋستىڭ ادام دەنساۋلىعىنا زيانى جوق، الايدا Solanaceae تۇقىمداس بارلىق داقىلداردى زاقىمدايتىن ءقاۋىپتى پاتوگەن. ۆيرۋس جاپپاي تارالعان جاعدايدا ءونىمنىڭ 80%-عا دەيىن جويىلۋى مۇمكىن»، - دەپ جازىلعان حابارلامادا.

سونىمەن قاتار اتالعان فاكتى بويىنشا اقبك-نىڭ 400-بابى 2-بولىگىنىڭ 1) تارماعى نەگىزىندە ءونىم يەسىنە اكىمشىلىك ءىس قوزعالىپ، 103 376 تەڭگەگە ايىپپۇل سالىندى.