قىزىلوردادا كوكپاردان ەرەسەكتەر اراسىندا قازاقستان رەسپۋبليكاسىنىڭ XXIII چەمپيوناتى باستالدى.

كوكپارعا اباي، اقمولا، اتىراۋ، جامبىل، قاراعاندى، قىزىلوردا، قوستاناي، ماڭعىستاۋ، سولتۇستىك قازاقستان، تۇركىستان، ۇلىتاۋ، جەتىسۋ وبلىستارىنىڭ، استانا جانە شىمكەنت قالالارىنىڭ قۇراما كوماندالارى، سونداي-اق ورتالىق ارميا سپورت كلۋبىنىڭ كومانداسى قاتىسادى.

چەمپيوناتتىڭ العاشقى ويىنىندا ۇلىتاۋ وبلىسى – ارميا سپورت كلۋبى، قوستاناي وبلىسى – اتىراۋ وبلىسى، استانا قالاسى – قاراعاندى وبلىسى، الماتى وبلىسى – ماڭعىستاۋ وبلىسى، تۇركىستان وبلىسى – سقو، اقمولا وبلىسى – شىمكەنت قالاسى، اباي وبلىسى – جامبىل وبلىسى، جەتىسۋ وبلىسى – قىزىلوردا وبلىسى كوماندالار اراسىندا توپتىق جارىستار ءوتتى.

جارىستىڭ كەلەسى كەزەڭدەرى، ياعني، كوكپاردان قازاقستان رەسپۋبليكاسى چەمپيوناتىنىڭ فينالى 29 ساۋىردە وتەدى.

ەسكە سالا كەتسەك، رەسپۋبليكالىق كوكپار فەدەراسياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە، بايگە، اۋدارىسپاق، تەڭگە ءىلۋ، ساداق اتۋ، جامبى اتۋ، قۇسبەگىلىك، اسىق اتۋ، «JORYQ» ات سپورتى جانە ت.ب. فەدەراسيالار بار. ق ر ۇلتتىق سپورت قاۋىمداستىعىن بەلگىلى كاسىپكەر، مەسەنات، «Altyn Qyran Foundation» قوعامدىق قورى قامقورشىلىق كەڭەسىنىڭ ءتوراعاسى يسلامبەك سالجانوۆ باسقارادى.