ول بيشىمبايەۆتى العاش كەزدەستىرگەندە، ونىڭ ينتەللەگەنتتى ازامات بولىپ كورىنگەنىن ايتادى.
– قۋاندىق باسىندا وتە تاربيەلى ادام بولىپ كورىندى. «بايتەرەكتە» (حولدينگ) بولعان، سول كەزدە «برك» بانككە كرەديت الۋدى جوسپارلاپ جۇرگەنبىز. كەيىنىرەك ول باسقالارمەن قالاي سويلەسەتىنىن ەستىدىك: مادەنيەتسىز، دورەكى ەكەن. «پاسان» بولا تۇرا، مەملەكەتتىك قىزمەتتە جوعارى دارەجەگە جەتكەن ادام. ءبىراق بۇل دا ادىلەتسىز، ورىنسىز بولعان نارسە. ەسكى قازاقستاننىڭ ءوزى «ەسكىلەر» جانە «بولاشاقتىڭ ەليتالارى» دەپ ءبولىنىپ جۇرگەندە، ولار (بولاشاق تۇلەكتەرى) بيلىككە تالاسىپ، ءوزىن پرەمەر-مينيستر رەتىندە كورە باستاعاندا، ەسكى ەليتا بايبەككە دە، بيشىمبايەۆقا دا قىلمىستىق ءىستى ارتىپ قويماق بولعان، – دەيدى كاسىپكەر.
سونداي-اق ول بيشىمبايەۆ پەن اكەسىن ەسكى قازاقستاننىڭ ادامدارى سانايدى.
"قۋاندىقتىڭ اكەسى ءۋاليحان بيشىمبايەۆ - ەسكى قازاقستاننىڭ جارقىن كورىنىسى. نازاربايەۆتىڭ تۇسىنداعى ەسكى قازاقستاننان وسى قۋاندىق سياقتى مونسترلار شىقتى. بالا اكەسىنەن كورگەنىن ىستەيدى. اكەسى قانداي بولسا، بالاسى دا سونداي. قۋاندىق مەن ءۇشىن كادىمگى مونستر!
ايەلىن اياۋسىز سوققىعا جىققان قۋاندىق بيشىمبايەۆ بۇل تاربيەنى اتا-اناسىنان العان. ونىڭ ورنىندا باسقا بىرەۋ بولسا، وكىنىپ كەشىرىم سۇراپ، اتىلىپ ولەر ەدى. ال بۇلاردا ەشقانداي ۇيات جوق. قاتتى ايتسام، كەشىرىم سۇرايمىن. كەرىسىنشە، ءتۇرلى وتىرىكتى ويدان قۇراستىرىپ، وزدەرىن قورعاپ جانتالاسۋدا! كىمسىڭدەر، سەندەر؟" دەيدى بولات ءابىلوۆ.
پىكىر قالدىرۋ