قازاقستاندا اتوم ەنەرگەتيكاسىن دامىتۋ ماسەلەسى كوپتەن بەرى كوتەرىلىپ كەلەدى. بۇل سالانىڭ پەرسپەكتيۆاسى زور ەكەنى انىق. بىزدە يادرولىق وتىن ءوندىرىسى تولىقتاي دەرلىك يگەرىلگەن. شاعىن رەاكتورلاردى پايدالانۋ تاجىريبەسى جيناقتالدى. بۇل باعىتتا ماماندار مەن عالىمدارىمىز دا بار. كادر دايارلاۋعا دا كوڭىل ءبولىنىپ كەلەدى. سوندىقتان اتوم ەنەرگەتيكاسىن دامىتۋدىڭ كەلەسى كەزەڭىنە كوشۋ دۇرىس قادام. اسىرەسە، ەلىمىزدىڭ ەنەرگەتيكالىق ينفراقۇرىلىمىنا جۇكتەمە ارتىپ وتىرعان بۇگىنگىدەي جاعدايدا بۇل ماسەلەنىڭ ماڭىزى ايرىقشا، – دەدى بەكتەنوۆ.

پرەمەردىڭ سوزىنشە، قازاقستان ءقازىردىڭ وزىندە ەنەرگەتيكالىق قۋات تاپشىلىعىن تارتىپ وتىر.

- پروبلەمانى وسى باستان شەشپەسەك، وندا ەكونوميكانىڭ ءارى قاراي وسۋىنە قاجەتتى ەلەكتر ەنەرگياسىن ۇلكەن كولەمدە ساتىپ الۋىمىزعا تۋرا كەلەدى. كوپتەگەن ەل اتوم ەنەرگياسىنا يەك ارتادى. اتوم ەنەرگياسى جونىندەگى حالىقارالىق اگەنتتىكتىڭ مالىمەتىنشە بۇگىندە الەمنىڭ 31 ەلىندە 415 يادرولىق ەنەرگوبلوك جۇمىس ىستەيدى. قازىرگى تاڭدا 15 مەملەكەتتە، سونىڭ ىشىندە جۇڭگو، جاپونيا، وڭتۇستىك كورەيا، ۇلىبريتانيا مەن تۇركيادا جاڭادان 61 اتوم ستانسياسىنىڭ قۇرىلىسى ءجۇرىپ جاتىر. ونىڭ ۇستىنە حالىقارالىق قارجى ينستيتۋتتارى كومىر ەلەكتر ستانسيالارىنا ينۆەستيسيا سالۋدان باس تارتىپ جاتىر، – دەدى ۇكىمەت باسشىسى.