رەسەي پرەزيدەنتى سادىر جاپپاروۆپەن رەسمي كەزدەسۋ بارىسىندا ەلدەگى ورىس مەكتەپتەرىنىڭ سانىن كوبەيتۋ كەرەگىن ايتتى. ول مۇنى ەكى ەل اراسىنداعى تىعىز بايلانىستى ارتتىراتىنىن اتاپ ءوتتى.

"قىرعىزستانداعى 43 مەكتەپتە 200-دەن استام رەسەيدەن كەلگەن ءمۇعالىم جۇمىس ىستەيدى. ءبىز جاقىندا عانا 6 مەكتەپتى اشتىق جانە الداعى ۋاقىتتا دا ورىس مەكتەپتەرىن اشۋ جوسپاردا بار. قىرعىزستاندا ورىس تىلىنە ەرەكشە مارتەبە بەرىلگەنى ءۇشىن سىزگە العىس ايتقىم كەلەدى. بۇل بىزگە ءبىرقاتار باسقا باعىتتار بويىنشا، سونىڭ ىشىندە ەكونوميكا سالاسىندا دا تيىمدىرەك جۇمىس ىستەۋگە مۇمكىندىك بەرەدى."، دەدى پۋتين.

رەسمي ستاتيستيكاعا سايكەس، 2024 جىلدىڭ سوڭىندا قىرعىزستاننىڭ 260 مەكتەبىندە وقىتۋ تەك ورىس تىلىندە، ال 576 مەكتەپتە قىرعىز – ورىس تىلىندە جۇرگىزىلەدى. بۇل 2394 ورتا مەكتەپتىڭ جالپى سانىنىڭ 1/3 (ۇشتەن ءبىرىن) قۇرايدى.

بۇل رەتتە قىرعىز ءتىلدى مەكتەپتەردىڭ سانى ون جىل بۇرىنعىمەن سالىستىرعاندا 4% - عا قىسقاردى. ال ورىس تىلىندە وقيتىن ستۋدەنتتەر سانى 8% - عا ءوستى، ال قىرعىز-ورىس تىلىندە وقيتىن ستۋدەنتتەر سانى ەكى ەسەدەن استام وسكەن. 2024 جىلدىڭ سوڭىنا قاراي تەك ورىس تىلىندە وقيتىن بالالاردىڭ سانى وقۋشىلاردىڭ جالپى سانىنان 149 مىڭعا (21%) جەتكەن.