اقش پرەزيدەنتى دونالد ترامپ 7 شىلدەدە قازاقستان پرەزيدەنتى قاسىم-جومارت توقايەۆقا ۆاشينگتون 2025 جىلعى 1 تامىزدان باستاپ قازاقستاننان كەلەتىن بارلىق تاۋارعا 25 پايىز باج سالىعىن ەنگىزەتىنىن حاباردار ەتىپ، حات جولدادى.
اق ءۇي باسشىسى حات ءماتىنىن Truth Social جەلىسىندەگى پاراقشاسىندا جاريالادى.
"2025 جىلعى 1 تامىزدان باستاپ سەكتورلىق باجداردان بولەك، قازاقستاننان امەريكا قۇراما شتاتتارىنا جىبەرىلەتىن كەز كەلگەن تاۋارعا نەبارى 25 پايىز مولشەرىندە باج سالىعىن سالامىز"، - دەپ جازىلعان قۇجاتتا.
ترامپ اقش پەن قازاقستاننىڭ ساۋدا قاتىناسىن تالقىلاۋعا ۋاقىتى بولعانىن ايتتى، دەگەنمەن ول ءقازىر ۆاشينگتون "ۇزاق مەرزىمدى تاپشىلىقتارمەن" كۇرەسۋ ماڭىزدى دەپ سانايتىنىن جەتكىزدى. امەريكا باسشىسىنىڭ ايتۋىنشا، باج اقش-تا تىكەلەي تاۋار وندىرەتىن كومپانيالارعا قولدانىلمايدى.
"قانداي دا ءبىر سەبەپتەرمەن ءسىز دە تاريف ەنگىزەمىن دەپ شەشسەڭىز، ولاردى قاي دەڭگەيدە ەنگىزسەڭىز دە، ءبىزدىڭ 25 پايىزعا قوسىلادى. بۇل تاريفتەر ساۋدا كەدەرگىلەرىن تۇزەتۋ ءۇشىن قاجەت ەكەنىن ءتۇسىنىڭىز. ساۋدا تەڭگەرىمسىزدىگى ءبىزدىڭ ەكونوميكامىزعا جانە ۇلتتىق قاۋىپسىزدىگىمىزگە ۇلكەن ءقاۋىپ توندىرەدى!" - دەپ جازىلعان حاتتا.
