قازاقتىڭ بەلگىلى جازۋشىسى، دراماتۋرگ، ق ر مەملەكەتتىك سىيلىعىنىڭ لاۋرەاتى دۋلات يسابەكوۆ ومىردەن ءوتتى.

 بۇعان دەيىن جەلىدە 82 جاستاعى جازۋشىنىڭ دەنساۋلىعى سىر بەرىپ، اۋىر حالدە جاتقانى تۋرالى مالىمەت تاراعان.

دۋلات يسابەكوۆ 1942 جىلى وڭتۇستىك قازاقستان وبلىسى، سايرام اۋدانىندا تۋعان. 1966 جىلى قازاق مەملەكەتتىك ۋنيۆەرسيتەتىن بىتىرگەن. جازۋشى ءار جىلدارى قازاق كسر تەليەۆيزيا جانە راديوحابار جونىندەگى مەملەكەتتىك كوميتەتىندە اعا رەداكتور (1967-1968)، قازاق سوۆەت ەنسيكلوپەدياسى باس رەداكسياسىندا اعا عىلىمي رەداكتور (1968-1970)، «جۇلدىز» جۋرنالىندا ءبولىم مەڭگەرۋشىسى (1971-1976)، «جالىن» باسپاسىندا رەداكسيا مەڭگەرۋشىسى (1976-1980)، قازاق كسر مادەنيەت مينيسترلىگى رەپەرتۋارلىق-رەداكسيالىق كوللەگيانىڭ باس رەداكتورى (1980-1988)، قازاق تەلەديدارىنىڭ باس ديرەكتورى (1988-1992)، «جازۋشى» باسپاسىنىڭ ديرەكتورى (1992-1995)، قازاقستان جازۋشىلار وداعىنىڭ حاتشىسى، ق ر مادەنيەتتانۋ عىلىميزەرتتەۋ ينستيتۋتىنىڭ ديرەكتورى بولىپ ەڭبەك ەتكەن.