بەلگىلى ونەرتانۋشى، ءانشى، ۇلتتىق ونەردى دارىپتەۋشى، زەرتتتەۋشى ەرلان تولەۋتاي «قازاقفيلمگە» قاتىستى تىڭ دەرەك جاريالادى.

بۇل تۋرالى ول Facebook جەلىسىندەگى پاراقشاسىندا جازدى.

«مىنا سۇمدىقتى جاريالاماسقا امالىمىز جوق!

بۇگىن ءبىز ياعني رەجيسسەر ەلزات ەسكەندىر ەكەۋمىز «ءابىلدىڭ» ەۋروپا تورىندە ءساتتى ءھام تابىستى وتكەن تريۋمفۋالدى پرەمەراسىنان كەيىنگى جەڭىسىن «قازاقفيلم» ۇجىمىمەن جانە ونىڭ ۋاقىتشا باسشىلارىمەن بولىسپەككە كينوستۋدياعا باردىق. الايدا ءبىزدى «قازاقفيلمگە» كىرگىزبەدى. ەسىك كوزىندەگى قاراۋىل بوگەگەن سوڭ ءبىز يو ايدار وماروۆتىڭ جەكە وحران باستىعىنا تەلەفون شالىپ سويلەستىك. ول بولسا مەنى ىشكە كىرگىزە المايتىنىن. ويتكەنى يو وماروۆتان مەنى كىرگىزبەۋ جونىندە بۇيرىق تۇسكەنىن جەتكىزدى.

شىنتۋايتىندا، ءبىز «قازاقفيلمگە» ەرىگىپ بارماعان ەدىك. ەۋروپادان سوڭ «قازاقفيلم» باسشىلىعىنان حابار كۇتكەلى اپتانىڭ ءجۇزى بولعان-دى. الايدا ا.وماروۆ بىزدەي حالىقارالىق كينوفەستيۆال جەڭىمپازدارىن قۇتتىقتاماق تۇگىلى حابارلاسۋدى بويىنا ار سانادى بىلەم – حابارلاسپادى. بولماعان سوڭ ءوزىمىز باردىق. سەبەبى «ءابىل» مەملەكەتتىك تاپسىرىسپەن تۇسىرىىلگەن «ءقازاقفيلمنىڭ» ءتول تۋىندىسى بولعاندىقتان وسى ءفيلمنىڭ كەي ماسەلەلەرىن باسشىلىقپەن اقىلداسقىمىز كەلگەن ەدى. سونداي-اق ءبىر ايعا سوزىلاتىن ەۋروپا ساپارىنا قارجىلاي قولداۋ كورسەتۋ جونىندە كومەك سۇراعان رەجيسسەر ەلزات ەسكەندىردىڭ قاڭتار ايىنىڭ 14- ءى كۇندەرى يو ا.وماروۆقا جازعان حاتىنىڭ تاعدىرىن دا بىلگىمىز كەلگەن. ويتكەنى ارادا 1 اي، 10 كۇن وتسە دە ا.وماروۆتان ەش جاۋاپ بولماعان ەدى. ەكەۋمىز وسىنىڭ دا جايىن بىلمەك بولدىق. سونداي-اق «قازاقانيماسيا» شب جايىن ءوز كوزىمەن كورمەكشى ەدىم. ويتكەنى «قازاقانيماسيا» جونىندە نەبىر سۋىق حابارلار جەلدەي ەسىپ، تاراپ جاتقان ەدى. مىنا ۆيدەودا ايتىلعانداي بۇگىن سونىڭ انىعىن ءبىلدىم: مەن ەۋروپا مەملەكەتتەرىندە ونەر شاشىپ، مادەني مايدان كەشىپ جۇرگەنىمدە ياعني مەنىڭ كينوستۋديادا جوق كەزىمدى وزدەرىنىڭ پاسىق ارەكەتتەرىن جۇزەگە اسىرۋعا جىمىسقىلىقپەن پايدالانعان ا.وماروا باستاعان «ءقازاقفيلمنىڭ» ۋاقىتشا باستىقتارى مەن ونداعان جىلدان بەرى جەتەكشى رەداكتور بولىپ تابىلاتىن «قازاقانيماسيا» شب استاناعا كوشىرىپ جىبەرۋگە استىرتىن شەشىم قابىلداعان. استىرتىن شەشىم قابىلداعانى سول ەمەس پە – «قازاقانيماسيا» باسشىلىعىمەن جانە ۇجىمىنا ايتپاعان. ايتپاق تۇگىلى سەزدىرمەگەن. ماقسات ايقىن: ولار شاكەن ايمانوۆ اتىنداعى «ءقازاقفيلمدى» وسىلاي اياۋسىز ءارى الاياقتىقپەن بولشەكتەۋ ارقىلى كينوستۋديانىڭ تۇبىنە جەتىپ تىنباق. ويتكەنى «ءقازاقفيلمنىڭ» جەرىن ساتپاقشى بولىپ جۇرگەن قىلمىستىق توپقا وسى «قازاقانيماسيا» ۇجىمى بىرنەشە جىلدان بەرى قاتتى قارسىلىق كورسەتۋمەن كەلەدى. ەندى ون ويلانىپ، مىڭ تولعانعان بۇل لوببي توپتار الىنباس قامالعا اينالعان انيماسيا بەكىنىسىن الۋدىڭ امالىن تاپقانداي – اتا جاۋلارى «قازاقانيماسيا» شىعارماشىلىق بىرلەستىگىن الماتىدان جەر اۋدارۋ ارقىلى جويىپ جىبەرمەك.

مەن بۇل ءافورانى – ححI عاسىرداعى قازاق كينو ونەرىنە جاسالعان ەڭ اۋىر قاستاندىق ءھام ەڭ ەل مادەنيەتىندەگى ادام ايتقىسىز سيپاتقا يە الاياقتىق دەپ باعالايمىن. مۇنىڭ ارتىندا قازاق سابيلەرىن رۋحاني اشارشىلىققا ۇشىراتۋ ساياساتى جاتىر. بۇلار اقپارات قۇرالدارى ارقىلى قازاقتى قايتا ورىستاندىرۋعا كرەملدەن تاپسىرما الدى جانە سونى جۇزەگە اسىرۋعا بەلسەنە ءارى استىرتىن كىرىستى دەپ ەدى، راس بولعانى ما، اعايىن، ايتپەسە، مىناۋ نە سۇمدىق!

ءبىز كينوگەرلەر، بۇل سۇمدىققا كونبەيمىز ءارى ايىپتايمىز جانە جان اياماي كۇرەسەمىز! قازاقتىڭ تۇڭعىش مۋلتيپليكاسيا رەجيسسەرى، ۇلى انيماتور امەن قايداروۆ وسىدان 57 جىل بۇرىن قۇرعان انيماسيالىق كينو ونەرىنىڭ قارا شاڭىراعىن قۇلاتپايمىز! سول ءۇشىن دە «قازاقانيماسيا» شىعارماشىلىق بىرلەستىگىن جەر اۋدارتپايمىز جانە انيماتورلاردى قورلاپ جازالاۋدىڭ اقىماقتىق ءھام سوراقى، قورلىق شاراسى – مۇنداي كاتورگىعا ايدالىپ ماسقارا بولماس ءۇشىن ولىسپەي بەرىسپەيمىز! قولداڭىزدار ءبىزدى، وسىناۋ مادەني مايداندا! ەگەر قازاق رۋحى مادەني مايداندا جەڭىلىس تاپسا، ساياسي-ەكونوميكالىق، الەۋمەتتىك ەڭ باستىسى مەملەكەتتى ساقتاۋ مۇراتى جولىنداعى مايدانداردىڭ بارلىعىندا جەڭىلمەك جانە بۇل تاۋەلسىزدىكتىڭ اقىرى بولماق. بەتى اۋلاق، ارينە!»، - دەپ جازدى ەرلان تولەۋتاي.