قازاقستاندا تاعى ەكى اتوم ەلەكتر ستانسياسى سالىناتىن جەردى انىقتاۋ جۇمىستارى باستالدى. بۇل تۋرالى ۇكىمەت باسشىسى ولجاس بەكتەنوۆ "ىلگەرىلەۋگە باستاعان التى جىل: قازاقستان ورنىقتى دامۋ جولىندا" ماقالاسىندا جازدى.
2019 جىلدان بەرى ەلەكتر ەنەرگياسىن تۇتىنۋ 14%-عا ءوسىپ، شامامەن 120 ميلليارد كۆت/ساعاتقا جەتتى. ال حالىق سانىنىڭ ءوسۋىن، سونداي-اق جۇرگىزىلىپ جاتقان يندۋستريالىق دامۋ جانە سيفرلاندىرۋ ساياساتىن ەسكەرە وتىرىپ، ەنەرگيا تۇتىنۋ ودان ءارى ارتا تۇسەدى دەپ بولجانىپ وتىر.
"وسىعان وراي پرەزيدەنت تاپسىرماسى بويىنشا يادرولىق ەنەرگەتيكانى دامىتۋ قولعا الىندى. ءبىرىنشى اەس قۇرىلىسىنىڭ اۋدانى انىقتالدى. تاعى ەكى ستانسيا سالۋ ءۇشىن قۇرىلىس ورىندارىن انىقتاۋ جۇمىستارى باستالدى"، - دەيدى بەكتەنوۆ.
ايتا كەتەرى، بۇعان دەيىن ۇلتتىق قۇرىلتايدىڭ كەزەكتى وتىرىسىندا توقايەۆ ءۇش اەس سالۋ باستاماسىن قولدايتىنىن مالىمدەدى.
پىكىر قالدىرۋ