عالىم، ەتنوگراف، قازاقتىڭ ءسالت-داستۇر، ادەت-عۇرپى، ۇلتتىق بولمىسى تۋرالى ۇشان تەڭىز ەڭبەكتەردىڭ اۆتورى، جازۋشى بولات بوپاي ۇلى 18.03.2025 مەزگىلسىز قازا بولدى. ۇلت دەپ سوققان ۇلى جۇرەك قاسيەتتى رامازان ايىندا سوعۋىن توقتاتتى. بولات بوپاي ۇلى 01.01.1960 التاي ايماعى، كوكتوعاي اۋدانىندا دۇنيەگە كەلگەن. 

ارداقتى بوكەڭ سانالى عۇمىرىن الاشتىڭ وقۋ-اعارتۋ سالاسىنا ارناپ، كۇنى كەشەگە دەيىن قولىنان قالامى تۇسكەن جوق. جالپى سانى 65 كىتاپ جازدى. مارقۇمنىڭ جانازاسى ەرتەڭ 20.03.2025 ساعات 12:30-دا الماتىداعى قونايەۆ مەشىتىندە شىعارىلادى. كەڭساي زيراتىنا جەرلەنەدى. قۇران حاتىم مەن جەتى ءنازىرى ەرتەڭ ياعني 20.03.2025 “التىن پالاس” رەستورانىندا 17:30-دا وتەدى.

الەۋمەتتىك جەلىدە جازبالارىمەن ءبولىسىپ، قايعىمىزبەن ورتاقتاسقان، حات-حابار الىسقان بارشا قازاق ەلىنە العىسىمىز شەكسىز. سونداي-اق مارقۇمنىڭ سوڭعى جۇمىستارىنا جاناشىرلىقپەن جاردەمدەسكەنى ءۇشىن الماتى قالاسى اكىمشىلىگىنە، الماتى وبلىسى اكىمشىلىگىنە ريزاشىلىعىمىزدى بىلدىرەمىز. 

قۇرمەتپەن، اعايىن-تۋىستارى، دوس-جاراندارى، وتباسى