قازاقستاندا قۇراستىرىلعان كولىكتەر ەندى رەسەيدە ساتىلمايدى. ەكسپورت نولگە دەيىن تومەندەدى. اۆتوساراپشى ميحايل بۋديانسكييدىڭ ايتۋىنشا، وعان رەسەيلىك بيۋروكراتيا مەن ءىرى تولەمدەردىڭ سالىنۋى سەبەپ. 

“مۇنىڭ ءبارى كولىك ىشىندەگى اۋىر ديزاينعا بايلانىستى. ويتكەنى ەندى جەرگىلىكتى تىركەۋ كۋالىگىنسىز كولىك قۇرالىن تىركەۋ تۋرالى كۋالىكتى الۋ مۇمكىن ەمەس. ال كادەگە جاراتۋ تولەمىن ولاردىڭ تولەمدەرىنە قاراي، كەدەن تورىنا قاراي ەسەپتەڭىز. مۇندا جاڭادان ساتىپ الىنعان، وزىمىزدە قۇراستىرىلعان كولىك رەسەيگە كەلىپ، ءۇش ەسەگە جۋىق باعاعا تىركەلەدى ەكەن. سوندىقتان ەكونوميكالىق تۇرعىدان مۇلدە ءتيىمسىز”، – دەيدى اۆتوساراپشى. 

ونەركاسىپ جانە قۇرىلىس مينيسترلىگىنىڭ مالىمەتىنشە، قىرعىزستان، وزبەكستان، تاجىكستان جانە بەلارۋس تۇرعىندارىنا قازاقستاننان جاڭا كولىك ساتىپ الۋ ءتيىمسىز.

“بۇرىن ءبىز بۇل ەلدەرگە ەكسپورتتادىق. بۇعان مەملەكەت تاراپىنان قولداۋ كورسەتىلدى. وتكەن جىلى ونىڭ ەرەجەلەرى وزگەردى. 2024 جىلى 2 تامىزدا بۇيرىققا وزگەرىستەر ەنگىزىلدى. ولار ەكسپورتتى ىنتالاندىرۋ مۇمكىندىگىن جوققا شىعاردى. ولاردا ترانزيتتىك جانە لوگيستيكا ءۇشىن بولعان جانە ءقازىر وتەماقى مولشەرىن 75 مىڭ اەك-كە دەيىن شەكتەپ قويعان. بۇرىن ەشقانداي شەكتەۋلەر بولعان جوق”، – دەيدى ونەركاسىپ كوميتەتىنىڭ كولىك، ارنايى تەحنيكا جانە اۋىل شارۋاشىلىعى ماشيناسىن جاساۋ باسقارماسى رۋسلان حيسامۋتدينوۆ.

مينيسترلىك مالىمەتىنشە، ەكى جىل بۇرىن رەسەيگە 9 مىڭعا جۋىق كولىك ساتىلعان. 2024 جىلى تەك سەگىز كولىك. ال بيىل مۇلدە ساتىلماعان.