اتالعان سوت ونلاين فورماتقا اۋىستى. سوت وكىلدەرى حالىقتىڭ تىلەك-ارىزىن باستى نازاردا ۇستايتىنىن جەتكىزدى.

تالدىقورعان قالاسىندا 2024 جىلدىڭ قازان ايىندا تالعاردا ءجاسوسپىرىمنىڭ ولىمىمەن اياقتالعان قىلمىسقا بايلانىستى سوت پروسەسى ءوتىپ جاتىر. بۇل ءىس قالالىق قىلمىستىق ىستەر جونىندەگى مامانداندىرىلعان اۋدانارالىق سوتتا قارالۋدا.

ايتا كەتەيىك، بۇل ءىس بويىنشا 9 ادامعا ايىپ تاعىلىپ وتىر. ولاردىڭ ءبىرى – كامەلەتكە تولماعان. قىلمىس ورنىنان شالعايدا قارالىپ جاتقانىمەن، جوعارعى سوتتىڭ كوممۋنيكاسيا ءبولىمىنىڭ مالىمەتىنشە، كۇدىكتىلەر تالدىقورعانداعى ۋاقىتشا وقشاۋلاۋ يزولياتورىندا وتىرعاندىقتان، پروسەسس وسى قالادا وتۋدە.

قىلمىستىق ءىس بويىنشا الدىن الا تىڭدالىم 10 ءساۋىر كۇنى باستالدى. بۇل كۇنى سوت زالىندا تاراپتار العاش رەت جۇزدەستى. قايعىلى وقيعا 2024 جىلعى 4 قازانعا قاراعان ءتۇنى تالعار قالاسىنداعى دۇكەن ماڭىندا بولعان. توبەلەس كەزىندە 16 جاستاعى بوزبالا پىشاقتالىپ، اۋىر جاراقات سالدارىنان كوز جۇمعان.

تەرگەۋ امالدارى بارىسىندا 40-تان استام سوت-مەديسينالىق جانە كريميناليستيكالىق ساراپتامالار جۇرگىزىلىپ، 200-دەن اسا كۋاگەردەن جاۋاپ الىنعان. سونىمەن قاتار، 8 بەينەباقىلاۋ جازباسى زەرتتەلگەن.

سوت وتىرىسىنىڭ اشىق نەمەسە جابىق فورماتتا ءوتۋى تاراپتاردىڭ كەلىسىمىنە ساي شەشىلمەك. قوعام نازارىن اۋدارتقان بۇل ىسكە قاتىستى ۇكىم ءالى شىققان جوق.