قازاقستاننىڭ اتوم ەنەرگياسى اگەنتتىگىنىنىڭ مالىمەتىنە سەنسەك، اەس سالۋ جوباسىنا ارنالعان رەاكتورلىق تەحنولوگيالاردىڭ ىقتيمال جەتكىزۋشىلەرىنىڭ "ءشورت-ليستى" جاساقتالدى.

"بۇل تىزىمگە رەسەيلىك "روساتوم" مەملەكەتتىك كورپوراسياسىمەن قاتار، وڭتۇستىككورەيالىق KHNP كومپانياسى، فرانسيالىق EDF جانە قىتايلىق CNNC كومپانيالارى كىردى"، – دەپ مالىمدەدى اگەنتتىك.

قازاقستان اەس سالۋ ءۇشىن تەحنولوگيا جەتكىزۋشىلەرمەن باسەكەلى ديالوگ جۇرگىزۋدى اياقتادى.

"جوبانى ىسكە اسىرۋ ءۇشىن جەتكىزۋشىنى نەمەسە كونسورسيۋمدى تاڭداۋ تۋرالى تۇپكىلىكتى شەشىم ۇلتتىق مۇددەلەر ەسكەرىلە وتىرىپ، ۆەدومستۆوارالىق كوميسسيانىڭ وتىرىسىندا قابىلدانادى"، – دەپ اتاپ ءوتتى اتوم ەنەرگياسى اگەنتتىگى.

بۇعان دەيىن ەنەرگەتيكا مينيسترلىگى اەس سالۋ ءۇشىن كونسورسيۋم قۇرۋ تۋرالى حابارلاعان ەدى.