قازاقستان ۇلتتىق بانكى جاساندى ينتەللەكتتى پايدالانا وتىرىپ جاسالاتىن تەلەفون الاياقتىعىنىڭ جيىلەپ كەتكەنى تۋرالى ەسكەرتەدى.

الاياقتار كەز كەلگەن ادامنىڭ جاقىن تۋىستارى مەن تانىستارى تۋرالى اشىق دەرەككوزدەردەن الدىن الا اقپارات جينايدى. بۇل دەرەككوزدەر – الەۋمەتتىك جەلىلەر، قورعالماعان دەرەكقورلار مەن ينتەرنەتتە ورنالاستىرىلعان دەربەس مالىمەتتەر. بۇدان ءارى ولار داۋىستىق دەرەكتەردىڭ جازباسىن جاساۋ ءۇشىن بەلگىسىز نەمەسە ءانونيمدى تەلەفون نومىرلەرىنەن قوڭىراۋ شالادى.

قاسكويلەر الىنعان داۋىستىق جازبالار مەن جاساندى ينتەللەكت كومەگىمەن وڭدەلگەن باعدارلامالاردى پايدالانا وتىرىپ، دەربەس دەرەكتەردى نەمەسە اقشالاي قاراجاتتى الۋ ماقساتىندا وزدەرىن الاياقتىق قۇربانى بولاتىن ادامنىڭ تۋىستارى نەمەسە جاقىندارى رەتىندە تانىستىرادى.

قازاقستان ۇلتتىق بانكى ازاماتتاردى بەلگىسىز نومىرلەردەن قوڭىراۋ شالىنعان كەزدە قىراعىلىق تانىتۋعا، وزدەرىنىڭ دەربەس دەرەكتەرىن اشپاۋعا، ءموبيلدى قوسىمشالاردى ورناتپاۋعا، ءموبيلدى تەلەفونعا قاشىقتان كىرۋ رۇقساتىن بەرمەۋگە جانە تەلەفون ارقىلى سويلەسۋ بارىسىندا الىنعان نۇسقاۋلار بويىنشا ءۇشىنشى تۇلعالاردىڭ شوتتارىنا اقشالاي قاراجاتتى اۋدارماۋعا شاقىرادى. ەگەر ءسىز نەمەسە ءسىزدىڭ تانىستارىڭىز الاياقتىق سحەمالارىنا تاپ بولسا، الاياقتىق فاكتىسى بويىنشا ءىس جۇرگىزۋ ءۇشىن قۇقىق قورعاۋ ورگاندارىنا ءتيىستى وتىنىشپەن جۇگىنۋدى ۇسىنامىز، - دەلىنگەن حابارلامادا.

كونسۋلتاسيالار الۋ ءۇشىن 1477 قىسقا ءنومىرى بويىنشا قازاقستان ۇلتتىق بانكىنىڭ بايلانىس ورتالىعىنا حابارلاسۋعا بولادى.