ۇكىمەت وتىرىسىنان كەيىن وتكەن بريفينگتە دەنساۋلىق ساقتاۋ ءمينيسترى اقمارال ءالنازاروۆا شىمكەنت قالاسى اكىمىنىڭ ورىنباسارى رۋسلان بەردەنوۆتىڭ جاعدايىنا قاتىستى پىكىر ءبىلدىردى. ءمينيستردىڭ ايتۋىنشا، وق جاراقاتى العان شەنەۋنىككە ءتورت ساعات بويى مەديسينالىق كومەك كورسەتىلىپ، شۇعىل تۇردە وتا جاسالعان.
“قازىرگى ۋاقىتتا ناۋقاستىڭ جاعدايى تۇراقتى. ول وزدىگىنەن قوزعالا الادى. الايدا دارىگەرلەردىڭ باقىلاۋىندا بولادى”، – دەدى مينيستر ءالنازاروۆا.
بەردەنوۆكە كىم جانە نە ءۇشىن وق اتتى؟
ەسكە سالايىق، بۇعان دەيىن رۋسلان بەردەنوۆكە قارۋلى شابۋىل جاسالعانى حابارلانعان. وقيعا ورنىنان تاراعان بەينەجازبالار الەۋمەتتىك جەلىدە قىزۋ تالقىلاندى. رەسمي مالىمەتكە سايكەس، بەردەنوۆكە وق اتقان ادام — ونىڭ بۇرىنعى ارىپتەسى، ياعني ءوزى باسشىلىق ەتكەن ءبولىمنىڭ قىزمەتكەرى بولعان.
قۇقىق قورعاۋ ورگاندارى شابۋىلدىڭ سەبەبىن قىزمەتتىك كەلىسپەۋشىلىك بولۋى مۇمكىن دەپ بولجاۋدا. تەرگەۋ امالدارى جالعاسىپ جاتىر.
