شىمكەنت قالاسى ءبىلىم باسقارماسىنىڭ باسشىسى گۇلناز سۇلەيمەنوۆا جاقىندا وتكەن جينالىستاردىڭ بىرىندە مۇعالىمدەردەن ءالى كۇنگە دەيىن اقشا جينالىپ جاتقانىنا نازار اۋداردى.
«الەۋمەتتىك جەلىنى ۇنەمى باقىلاپ وتىرامىن، ءارى اكىمدىك تاراپىنان دا وسىنداي شاعىمدار ءتۇسىپ جاتىر. قاراجات جيناۋ ماسەلەسى ءالى كۇنگە دەيىن توقتاماي كەلەدى. ءتىپتى، قوڭىراۋ سوعۋعا دەيىن اقشا جيناپ جاتقانى تۋرالى حابارلامالار كەلىپ تۇسۋدە. بۇل ماسەلەگە قاتاڭ تۇردە ەسكەرتۋ جاسايمىز. ەشقانداي مەكتەپتە، العاشقى ۇستازدار مەن مۇعالىمدەرگە سىيلىق رەتىندە اقشا جينالماۋى ءتيىس. بۇل ءۇشىن ءبىرىنشى باسشىلار جاۋاپتى بولادى»، – دەپ اتاپ ءوتتى گۇلناز سۇلەيمەنوۆا.
