يزرايل ۇكىمەتى يرانعا قارسى اسكەري وپەراسيا بارىسىندا بارلىق ماقساتتارعا قول جەتكىزىلگەنىن، ءتىپتى كەيبىر ناتيجەلەر كۇتكەندەگىدەن اسىپ تۇسكەنىن مالىمدەدى. وسىعان بايلانىستى تەل-اۆيۆ اقش پرەزيدەنتى دونالد ترامپ ۇسىنعان اتىستى توقتاتۋ تۋرالى باستامانى قولدايتىنىن حابارلادى.

24 ماۋسىم، سەيسەنبى كۇنى تاڭەرتەڭ يزرايل پرەمەر-مينيسترى بينيامين نەتانياحۋدىڭ كەڭسەسى اتىستى توقتاتۋ رەجيمىنىڭ كۇشىنە ەنگەنىن راستادى. ۇكىمەت باسشىسى ءوزىنىڭ كابينەتىنە ءيزرايلدىڭ بارلىق اسكەري مىندەتتەردى ورىنداعانىن جەتكىزگەن.

سونىمەن قاتار، يزرايل تاراپى ەگەر ءبىتىم شارتتارى بۇزىلاتىن بولسا، وعان قاتاڭ جاۋاپ قايتاراتىنىن ەسكەرتتى.

بۇعان دەيىن يران ءوز مالىمدەمەسىندە، ەگەر سەيسەنبى كۇنى تەگەران ۋاقىتىمەن ساعات 4:00-گە دەيىن (استانا ۋاقىتىمەن 5:30) يزرايل تاراپىنان شابۋىل توقتاتىلسا، تەگەران دا جاۋاپ شارالارىن دوعاراتىنىن حابارلاعان بولاتىن.