پرەزيدەنت قاسىم-جومارت توقايەۆ جاڭا سالىق كودەكسىنە قول قويدى. اتالعان زاڭ 2026 جىلدىڭ قاڭتار ايىندا كۇشىنە ەنەدى.
– مەملەكەت باسشىسى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) جانە ونى قولدانىسقا ەنگىزۋ ماسەلەلەرى بويىنشا قازاقستان رەسپۋبليكاسىنىڭ زاڭدارىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەلىنگەن اقوردا حابارلاماسىندا.
- قازاقستاندا قوسىلعان قۇن سالىعى (ققس) كورسەتكىشى 16% بولادى؛
- ققس تولەۋ شەگى - 40 ملن تەڭگەدەن باستاپ (جىلدىق تابىس)؛
- دارى-دارمەكتەر مەن مەديسينالىق قىزمەتتەرگە ققس تومەندەتىلگەن مولشەرلەمەلەرى ەنگىزىلەدى.
- جاڭا سالىق كودەكسىنە ەنگىزىلگەن وزگەرىستەر:
- فەرمەرلەر – تابىسى 230 000 اەك-تەن جوعارى بولسا (900 ملن تەڭگە) سالىق سالىنادى. مولشەرلەمە 4،5 پايىزعا تەڭ؛
- قازاقستاندىق جانە حالىقارالىق بيرجالار اراسىندا تەڭگەرىمسىزدىك بولماۋى ءۇشىن KASE باعالى قاعازدارىنان تۇسەتىن تابىسقا جەكە تابىس سالىعى سالىنبايدى؛
- تولەم كارتالارى - كارتا بويىنشا جۇرگىزىلەتىن وپەراسيالار قوسىمشا قۇن سالىعىنان بوساتىلادى؛
- قىمبات اۆتوكولىكتەرگە (75 ميلليون تەڭگەدەن استام)، ياحتالار مەن ۇشاقتارعا اكسيز سالىنادى؛
- مۇگەدەكتىگى بار ادامدار – كەمىندە 10 مۇگەدەكتىگى بار ادام جۇمىس ىستەيتىن كومپانيالار قوسىمشا قۇن سالىعىنان بوساتىلادى؛
- گازەتتەر مەن جۋرنالدار – وتاندىق باسپا باسىلىمدارى ءۇشىن قوسىمشا قۇن سالىعى 10 پايىز بولادى.
ەسكە سالايىق، ءماجىلىستىڭ جالپى وتىرىسىندا دەپۋتاتتار سەنات ەنگىزگەن تۇزەتۋلەردى قابىلداپ، قازاقستاننىڭ جاڭا سالىق كودەكسىن ماقۇلدادى. 2025 جىلدىڭ باسىندا ۇلتتىق ەكونوميكا مينيسترلىگى جاڭارتىلعان سالىق كودەكسىمەن پارلامەنتكە جۇگىنگەن بولاتىن.
قۇجاتتا، باسقا دا وزگەرىستەرمەن قاتار، ققس (قوسىلعان قۇن سالىعىن) قازىرگى 12%-دان 20%-عا دەيىن كوتەرۋ ۇسىنىلعان ەدى. الايدا تالقىلاۋ بارىسىندا ققس-تىڭ تۇپكىلىكتى مولشەرلەمەسى 16% دەڭگەيىندە بەكىتىلدى.
