الەۋمەتى+تىك جەلىدە مارات جىلانبايەۆتىڭ تۇرمەدەگى فوتوسى جاريالاندى. فوتونى ادام قۇقىقتارى بويىنشا ۋاكىلدىڭ جانىنداعى ۇيلەستىرۋ كەڭەسىنىڭ حاتشىسى رايسا شەر ءوزىنىڭ فەيسبۋك جەلىسىندەگى پاراقشاسىندا جاريالاعان. 

رايسا شەر ءوز جازباسىندا ستەپنوگورسك قالاسىنداعى مارات جىلانبايەۆ جازاسىن وتەپ جاتقان تۇزەۋ مەكەمەسىنە ارعانىن جازعان.

"كەزدەسۋ كەزىندە ونىڭ دەنساۋلىعىنا قاتىستى اقپارات تاراپ جاتقانىن ايتتىم. ول 45 كەلىگە دەيىن ارىقتاپ كەتكەن دەگەن اقپاراتتى ايتقانىمدا تاڭعالدى. مارات جىلانبايەۆ مۇنداي جالعان اقپاراتتى كىم جانە نە سەبەپتى تاراتىپ جاتقانىن بىلمەيتىنىن جەتكىزدى. ونىڭ قازىرگى جاعدايى جاقسى. دەنساۋلىعىنا بايلانىستى ەشقانداي شاعىمى جوق. سونداي-اق ول تۇراقتى تۇردە سپورتپەن شۇعىلدانادى. اسىرەسە ءوزىنىڭ سۇيىكتى سپورت ءتۇرى جۇگىرۋمەن اينالىسادى، كىتاپحانادا كىتاپ وقيدى"، دەپ جازعان رايسا شەر ءوزىنىڭ جازباسىندا. 

61 جاستاعى مارات جىلانبايەۆ – گيننەستىڭ رەكوردتار كىتابىنا ەنگەن جەتى رەكوردتىڭ يەگەرى اتانعان ۋلترامارافونشى رەتىندە كوپكە تانىلعان. ول تىركەلمەگەن وپپوزيسيالىق "العا، قازاقستان!" پارتياسىن قۇرۋ جونىندەگى باستاماشىل توپ جەتەكشىسى بولعان. 2023 جىلدىڭ كوكتەمىندە بەلسەندى قاماۋعا الىنىپ، ونىڭ ءىسىن جابىق قاراعان استانا سوتى سول جىلى قاراشادا مارات جىلانبايەۆتى "ەكسترەميستىك ۇيىم ىسىنە ارالاستى" جانە "ەكسترەميزمدى قارجىلاندىردى" دەگەن ايىپ بويىنشا جەتى جىلعا بوستاندىعىنان ايىرعان.