قازاقستانداعى ءار ءتورتىنشى ازامات زەينەتاقىسىز قالۋى مۇمكىن، دەپ جازادى Qamshy.kz اقپارات اگەنتتىگى Ulysmedia.kz سايتىنا سىلتەمە جاساپ.

ەكونوميست امان الىمبايەۆتىڭ ايتۋىنشا، ەلدەگى ەكونوميكالىق بەلسەندى حالىقتىڭ شامامەن 24 پايىزى — بۇل ءوزىن-وزى جۇمىسپەن قامتىعاندار مەن جەكە كاسىپكەرلەر. ولاردىڭ كوپشىلىگى زەينەتاقى اۋدارىمدارىن مۇلدە جاسامايدى نەمەسە تەك ايىپپۇلدان قۇتىلۋ ءۇشىن ەڭ از مولشەردە تولەيدى. بۇل جاعداي بولاشاقتاعى كەدەيلىكتىڭ ەلەۋلى ءقاۋپىن تۋدىرىپ وتىر.

– 2025 جىلدىڭ شىلدە ايىنداعى جاعداي بويىنشا قازاقستانداعى ەكونوميكالىق بەلسەندى حالىقتىڭ شامامەن 24 پايىزى — بۇل ءوزىن-وزى جۇمىسپەن قامتىعاندار مەن جەكە كاسىپكەرلەر. ولاردىڭ كوبى تۇراقتى تۇردە زەينەتاقى جارناسىن تولەمەيدى، ياعني ءتىپتى ەڭ تومەنگى بازالىق زەينەتاقىنى دا قالىپتاستىرمايدى. كەيىن 50–60 جاستا كەتكەن ولقىلىقتىڭ ورنىن تولتىرۋ قيىن بولادى، ءارى ۋاقىت جاعىنان، ءارى قارجىلاي. كوپشىلىگى تەك ەڭ تومەنگى مولشەردە تولەيدى، ال كەيبىرى جاي عانا اۋدارىممەن جۇمىس ىستەيدى (100-گە دەيىن اۋدارىم*)، ولار مۇلدە زەينەتاقى تولەمەيدى. مۇنداي ادامدار سانى مىڭداپ سانالادى. سوندىقتان قارتايعاندا كەدەي بولۋى مۇمكىن، – دەيدى ساراپشى.