قازاقستاندا اسكەرگە شاقىرىلۋشىلاردى ىرىكتەۋدىڭ جاڭا ادىستەمەسى – PSY-سۋيسيدتىك مىنەز-قۇلىققا بەيىمدىلىكتى ەرتە انىقتاۋعا باعىتتالعان جۇيەنى اۋقىمدى ەنگىزۋ باستالدى، دەپ حابارلادى قورعانىس مينيسترلىگى.
"PSY-تاۋەكەل ادىستەمەسىن قورعانىس مينيسترلىگىنىڭ اسكەري پسيحولوگتارى ازىرلەدى. جاڭا جوبا 2025 جىلعى كوكتەمگى شاقىرۋ كەزىندە ءساتتى سىناقتان ءوتتى. سونىڭ ناتيجەسىندە سۋيسيدكە بەيىمدىلىك بەلگىلەرى بار 470-تەن استام جاس انىقتالىپ، ولاردىڭ ءبارى قىزمەتتەن بوساتىلدى نەمەسە قوسىمشا تەكسەرۋگە جىبەرىلدى"، - دەپ جازىلعان حابارلامادا.
ۆەدومستۆو مالىمەتىنشە، جاڭا جۇيە باستاپقى سكرينينگتى، تەرەڭ پسيحولوگيالىق تەكسەرۋدى جانە قاجەت بولعان جاعدايدا پسيحياتريالىق ساراپتامانى قامتيتىن پسيحودياگنوستيكانىڭ كوپ ساتىلى مەحانيزمى بولىپ تابىلادى. نەگىزگى ماقسات – پسيحوەموسيونالدى تۇراقتىلىق تۇرعىسىنان قارۋلى كۇشتەردە قىزمەت ەتۋگە دايىن ەمەس ادامداردى شاقىرۋدان بوساتۋ.
ەلىمىزدىڭ بارلىق وڭىرىندە "PSY-تاۋەكەل" جۇيەسىن كەزەڭ-كەزەڭىمەن ەنگىزۋ تۋرالى شەشىم قابىلداندى. يننوۆاسيا ىرىكتەۋ تيىمدىلىگىن ارتتىرادى، ارمياداعى شتاتتان تىس جاعدايلاردىڭ سانىن ازايتىپ، جاس اسكەري قىزمەتشىلەردىڭ پسيحيكالىق دەنساۋلىعىن نىعايتۋداعى ماڭىزدى قادام بولادى دەپ كۇتىلىپ وتىر.
