شەرزات ءىسى بويىنشا جاۋاپقا تارتىلعان 4 كۋاگەر جازالانبايتىن بولدى. بۇل تۋرالى ادۆوكات مەيىرمان شوكەيەۆ ءوزىنىڭ الەۋمەتتىك جەلىدەگى پاراقشاسىندا حابارلادى. 

ادۆوكات سوتقا كۋاگەر رەتىندە قاتىسقان ەلميرا نۇربەكوۆا، دانا جاقسىگەلدى، يۋلداش روزىباكيۆە پەن ارلان قازىكەنوۆ جاۋاپقا تارتىلاتىنى تۋرالى جالعان اقپارات تاراعانىن ايتتى. 

- وسى ءىستىڭ باستى قورعاۋشىسى رەتىندە بۇل مالىمەتتەردى قۇقىق قورعاۋ ورگاندارىنىڭ بىزگە بەرگەن جاۋابى نەگىزىندە جوققا شىعارامىن. سەبەبى 5 ماۋسىمدا قابىلدانعان جەكە قاۋلى الماتى وبلىسىنىڭ پروكۋراتۋراسىندا اقپاراتتىق ەسەپكە تىركەلىپ، ودان ارى قاراي پروسەسسۋالدىق شەشىم قابىلداۋ ءۇشىن الماتى وبلىسى پوليسيا دەپارتامەنتىنە جولدانعان. ال پوليسيا دەپارتامەنتى ءوز كەزەگىندە جەكەشە قاۋلىدا كورسەتىلگەن زاڭ بۇزۋشىلىقتاردى تەكسەرۋ بارىسىندا، “روزىباكييەۆ، قازىكەنوۆ، جاقسىكەلدى جانە نۇربەكوۆانىڭ ىس-ارەكەتتەرىندە قىلمىستىق قۇقىق بۇزۋشىلىقتىڭ قۇرامى انىقتالمادى جانە 30 تامىزدا جينالعان ءىس قۇجاتتارى قاراۋسىز قالدىرىلىپ، جيناقتاۋ پاپكاسىنا جولداندى” دەپ جاۋاپ بەرگەن. بۇل جاۋاپقا قاتىستى ءبىزدىڭ ءوز پىكىرىمىز بولاشاقتا ايتىلاتىن بولادى. بۇگىنگى شىنايى اقپارات وسى، دەدى ادۆوكات مەيىرمان شەكەيەۆ.