قازاقستاندا وقۋ مادەنيەتىن دامىتۋ بويىنشا اۋقىمدى جوبا جۇزەگە اسىرىلۋدا.
2025 جىلدىڭ قىركۇيەگىندە قاراعاندى، قوستاناي وبلىستارى مەن شىمكەنت قالاسىندا "وقىرمان ۇلت" جوباسىنىڭ ءبىرىنشى كەزەڭى – قازاقستاندا تۇراقتى وقۋ مادەنيەتىن قالىپتاستىرۋعا ارنالعان اۋقىمدى زياتكەرلىك-اعارتۋشىلىق باستاما ءساتتى اياقتالدى، دەپ جازادى Qamshy.kz اقپارات اگەنتتىگى.
باستامانىڭ نەگىزگى ماقساتى-بالا كەزىنەن باستاپ ۇنەمى وقۋ ادەتىن قالىپتاستىرۋ، سىني جانە اناليتيكالىق ويلاۋدى دامىتۋ، سونىمەن قاتار كىتاپتى ءبىلىمنىڭ نەگىزگى كوزى رەتىندە ناسيحاتتاۋ.
باستاما قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتىڭ ۇلتتىق قۇرىلتايدىڭ III وتىرىسىندا ايتىلعان تۇجىرىمداماسى شەڭبەرىندە ىسكە اسىرىلۋدا جانە قازاقستاندى الەمنىڭ ەڭ كوپ وقيتىن ەلدەرىنىڭ وندىعىنا شىعارۋ – ءورشىل ماقسات قويادى.
ءبىر ايدا ءۇش وڭىردە جوباعا قاتىسۋ ءۇشىن 189 221 قاتىسۋشى تىركەلدى: قاراعاندى وبلىسىندا – 67 438 قاتىسۋشى، قوستاناي وبلىسىندا – 55 281 قاتىسۋشى، شىمكەنت قالاسىندا – 66 502 قاتىسۋشى.
ولاردىڭ ىشىندە: 6-10 سىنىپتارداعى مەكتەپتەردىڭ 87 157 وقۋشىسى، 34 038 پەداگوگ، جەرگىلىكتى اتقارۋشى ورگانداردىڭ 2 388 مەملەكەتتىك قىزمەتشىسى. سونداي-اق 36 553 وتباسىلىق اۋلەت، 29 085 كوللەدج جانە جوعارى وقۋ ورىندارىنىڭ ستۋدەنتتەرى.
قاتىسۋشىلار التى سانات بويىنشا ب ا ق سىنايدى:
· "وقۋ مەكتەبى"،
· "وقۋ ءمۇعالىمى"،
· "وقۋ اۋلەتى"،
· "وقۋ كوللەدجى"،
· "وقۋ ۋنيۆەرسيتەتى"،
· "وقىرمان مەملەكەتتىك قىزمەتكەر".
ەكىنشى كەزەڭدە ءار قاتىسۋشى جاسىن جانە قىزىعۋشىلىعىن ەسكەرە وتىرىپ، ساراپشىلار جاساعان ارنايى تاڭدالعان تىزىمدەردەن 15 كىتاپ وقۋى كەرەك. باستى نازاردا – ءپاتريوتيزمدى، جاۋاپكەرشىلىكتى جانە سىني ويلاۋدى تاربيەلەۋ.
تىزىمدەرگە "قازاقستان ادەبيەتىنىڭ 100 تانىمال كىتابى" جالپىۇلتتىق داۋىس بەرۋدەن الىنعان تۋىندىلار، الەمدىك بەستسەللەرلەر، ۇلتتىق مادەني مۇرا مەن قۇندىلىقتاردى بەينەلەيتىن الەمدىك جانە وتاندىق كلاسسيكا تۋىندىلارى كىرەدى.
تولىق ەرەجەلەر مەن كىتاپتار تىزىمدەرى رەسمي سايتتا قول جەتىمدى: reading-nation.kz.
جوباعا قاتىسۋشى، قوستاناي وبلىسى № 31 مەكتەبىنىڭ 10 سىنىپ وقۋشىسى انەل راگيموۆا:
"وقۋ – مەنىڭ ءومىرىمنىڭ اجىراماس بولىگى. "وقىرمان ۇلت" جوباسى كىتاپ وقۋدى سۇيەتىندەردى شابىتتاندىرادى جانە جاستارعا جاڭا مۇمكىندىكتەر اشادى. مەن بايقاۋدا جەڭىسكە جەتۋ ءۇشىن كۇرەسۋگە بەل بۋدىم جانە بۇل باستاما قازاقستاندا وقۋ مادەنيەتىن دامىتۋعا قۋاتتى سەرپىن بولادى دەپ سەنەمىن".
"پرەزيدەنتتىڭ باستاماسىن قولداي وتىرىپ، ءبىز قازاقستاندا وقۋعا دەگەن سۇيىسپەنشىلىكتى وياتاتىن جانە جاڭا مادەنيەتتى قالىپتاستىراتىن جوبانى ىسكە اسىرامىز. ءار ءتۇرلى الەۋمەتتىك توپتاردىڭ قاتىسۋشىلارىمەن كەزدەسۋلەر ولاردىڭ شىنايى ىنتا-جىگەرى مەن قولداۋىن كورسەتەدى. جوبا وقىرمان قازاقستاندىقتاردىڭ سانىن كوبەيتىپ، ەلىمىزدى زياتكەرلىك دامۋدىڭ جاڭا دەڭگەيىنە شىعاراتىنىنا سەنىمدىمىز"، دەيدى جوبا اۆتورى باكىتجان تۋرلىبەكوۆ.
جوبانى "AMANAT" پارتياسى مەن قاراعاندى، قوستاناي وبلىستارى مەن شىمكەنت قالاسى اكىمدىكتەرىنىڭ قولداۋىمەن جۇزەگە اسىرۋدا.
