پرەزيدەنتتىڭ تاپسىرماسى بويىنشا رەسپۋبليكا كۇنىن مەرەكەلەۋ اياسىندا عىلىم جانە جوعارى ءبىلىم ءمينيسترى ساياسات نۇربەك 16 جاس عالىمعا پاتەرگە سەرتيفيكاتتار تابىس ەتتى، دەپ جازادى Qamshy.kz اقپاراتتىق اگەنتتىگى.
مينيستر بارلىعىن مەرەكەمەن قۇتتىقتاپ، عىلىم مەن جوعارى ءبىلىم بەرۋ جۇيەسىن دامىتۋ مەملەكەتتىك ساياساتتىڭ باستى باسىمدىقتارىنىڭ ءبىرى بولىپ تابىلاتىنىن اتاپ ءوتتى.
- بۇگىندە قازاقستاننىڭ عىلىمى مەن جوعارى ءبىلىم بەرۋ جۇيەسى قارقىندى دامىپ، الەمدىك ستاندارتتارعا بىرتىندەپ جاقىنداپ كەلەدى. اكادەميالىق اۆتونوميا ۋنيۆەرسيتەتتەرگە ءوزىنىڭ دامۋ باعىتىن انىقتاۋعا جانە يننوۆاسيالىق جوبالاردى جۇزەگە اسىرۋعا مۇمكىندىك بەرەدى. پرەزيدەنتتىڭ تاپسىرماسىنا سايكەس ەلىمىز وڭىرلىك اكادەميالىق ورتالىقتىڭ ۇستانىمىن نىعايتۋدا، — دەپ اتاپ ءوتتى ساياسات نۇربەك.
ول جاس عالىمداردىڭ ءومىر ساپاسى مەن الەۋمەتتىك ءال-اۋقاتى ماسەلەلەرى مەملەكەت باسشىسىنىڭ ەرەكشە باقىلاۋىندا ەكەنىن اتاپ ءوتتى.
- عىلىم تەك يدەيالار مەن ىزدەنىستەردەن عانا ەمەس، سونىمەن قاتار ۇنەمى قولداۋدى جانە قولايلى جاعداي جاساۋدى تالاپ ەتەدى. رەسپۋبليكا كۇنى قارساڭىندا 16 جاس عالىمعا پاتەر كىلتتەرى تاپسىرىلادى. بۇل — مەملەكەت تاراپىنان جاس زەرتتەۋشىلەردى جۇيەلى قولداۋدىڭ جانە عىلىمدى دامىتۋعا بەرىك مىندەتتەمەنىڭ ايقىن دالەلى، - دەپ تولىقتىردى مينيستر.
سونداي-اق، ۆەدومستۆو باسشىسى پرەزيدەنت ءال-فارابي اتىنداعى عىلىم مەن تەحنيكا سالاسىندا جانە احمەت بايتۇرسىن ۇلى اتىنداعى گۋمانيتارلىق عىلىمدار سالاسىندا قازاقستاننىڭ 2025 جىلعى مەملەكەتتىك سىيلىقتارىن بەرۋ تۋرالى جارلىققا قول قويعانىن حابارلادى.
بۇعان دەيىن مەملەكەت باسشىسىنىڭ 2024 جىلعى 31 مامىردا عىلىم ورداسىندا جاس عالىمدارمەن كەزدەسۋىندە بەرگەن تاپسىرماسى بويىنشا كوميسسيا الماتىدا تۇرعىن ءۇي بەرۋ ءۇشىن عىلىمي ۇيىمدار مەن جوو-لار اراسىنان كانديداتتاردىڭ ءتىزىمىن بەكىتتى.
ق ر عىلىم جانە جوعارى ءبىلىم مينيسترلىگى 2024 جىلدىڭ مامىر ايىنان باستاپ باسپاناعا مۇقتاج 40 جاسقا دەيىنگى جاس عالىمداردىڭ ءتىزىمىن قالىپتاستىرۋ بويىنشا جۇمىس جۇرگىزۋدە. نەگىزگى ماقسات-قولايلى الەۋمەتتىك جاعدايلار جاساۋ، عىلىمي قىزمەتكە ىنتالاندىرۋدى ارتتىرۋ جانە وتاندىق عىلىمنىڭ كادرلىق الەۋەتىن نىعايتۋ.
سونىمەن قاتار، 2023 جىلدىڭ قازان ايىندا مينيسترلىك پەن "وتباسى بانك" اق اراسىندا جاس عالىمدارعا 2023-2027 جىلدارعا ارنالعان جەڭىلدەتىلگەن كرەديت بەرۋ باعدارلاماسى بويىنشا ىنتىماقتاستىق تۋرالى كەلىسىمگە قول قويىلدى. باعدارلاما اياسىندا 482 جاس عالىم جەڭىلدىكپەن باسپانا الدى.
ەستەرىڭىزگە سالا كەتەيىك، قازاقستان رەسپۋبليكاسى كۇنىنە ارنالعان سالتاناتتى شارادا ءسوز سويلەگەن قاسىم-جومارت توقايەۆ مەملەكەتتىڭ قولداۋىمەن ءبىلىمى مەن ەڭبەكقورلىعىنا يە بولا وتىرىپ، جاس قازاقستاندىقتار الەمدىك نارىقتا سۇرانىسقا يە جوعارى تەحنولوگيالىق ونىمدەر شىعارا الاتىنىن اتاپ ءوتتى.
