كوكشەتاۋ. قازاقپارات - بۇگىن اقمولا وبلىسنىڭ اكىمى سەرگەي كۋلاگين كەزەكتى ­جۇمىس ساپارىمەن استانا قالاسىندا بولىپ، ­قارتتار مەن مۇگەدەكتەردى الەۋمەتتىك قولد­اۋ ايلىعى اياسىندا ءبىر توپ زەينەتكەرلەرگە­ داستارحان جايىپ، قۇرمەت كورسەتىپ، مەرەك­ەلەرىمەن قۇتتىقتادى.
«اققۋ» مەيرامحاناسىندا ۇيىمداستىرىلعان ش­اراعا استانا مەن ىرگەلەس اۋدانداردا تۇرات­ىن جۇزگە جۋىق اقمولالىق زەينەتكەرلەر شاق­ىرىلدى. ولاردىڭ اراسىندا بۇرىنعى كوكشەتاۋ وبلىستىق پارتيا كوميتەتىنىڭ ءبىرىنشى حاتشىسى بولعان ازامات قاسىم تاۋكەنوۆ، وبلىستىڭ بۇرىنعى اكىمى ۆلاديمير گارتمان، قوعام قايراتكەرى سۆەتلانا جالماعامبەتوۆا بار. قۇ­تتىقتاۋ ءسوز العان ءوڭىر باسشىسى ەلباسىمىز نۇرسۇلت­ان نازاربايەۆتىڭ تاپسىرماسىنا سايكەس مەمل­ەكەت تاراپىنان اعا ۇرپاق وكىلدەرىنە بارى­نشا قامقورلىق جاسالىپ وتىرعانىنا، بۇل ءما­سەلەنىڭ جەرگىلىكتى بيلىكتىڭ دە ۇنەمى ناز­ارىندا ەكەندىگىنە توقتالدى.

- ­بۇگىنگى ەلىمىزدىڭ كوركەيىپ-گۇلدەنۋى، ۇرپ­اقتارىمىزدىڭ شات-شادىمان، باقىتتى تۇرمىس­قا كەنەلۋى، ارينە، اعا ۇرپاقتىڭ ماڭداي ت­ەرىنىڭ، ەلگە سىڭىرگەن ەڭبەگىنىڭ جەمىسى. ­ەندەشە ەل مەرەيىن وسىرگەن قاريالارىمىزدى­ ءارقاشاندا ايالاپ، ولاردى مەيىرىم شۋاعىنا­ بولەۋ - بۇگىنگى ۇرپاقتىڭ پارىزى. سىزدەردىڭ بىلىمدەرىڭىز بەن تاجىريبەلەرىڭ­ءىز، ومىردە تۇيگەن دانالىقتارىڭىز ءبىز ءۇشى­ن باعا جەتپەس قازىنا. ءوڭىردىڭ ەكونوميكال­ىق ىرگەتاسى سىزدەردىڭ بىلەك كۇشتەرىڭىزبە­ن قالانعان. سوندىقتان دا، اقمولا وبلىسى ­ەل اۋماعىندا كوش باستاپ كەلە جاتقان ءوڭىر­لەردىڭ قاتارىندا، - دەي كەلە ءوڭىر باسشىسى ارداگەرلەرگە العىسحاتتار مەن گۇل شوقتارىن جانە اقشالاي سىيلىعىن تاپسىردى.

ءوز كەزەگىندە ارداگەرلەر دە مەرەيلەرىن ءوس­ىرگەن، قارجىلاي كومەك كورسەتىپ، ءبىر ۋاق ­ءان مەن جىرعا بولەگەن وبلىس باسشىلىعىنا ر­يزاشىلىقتارىن ءبىلدىرىپ، كوتەرىڭكى كوڭىل ­كۇيمەن تارقاستى.

ەسكە سالا كەتسەك، بۇگىنگى كۇنى وبلىستا بارلىعى 105 مىڭ زەي­نەتكەر تىركەلەگەن بولسا، ونىڭ 194ء-ى ۇلى ­وتان سوعىسىنىڭ ارداگەرى دە، 8 مىڭنان استامى - تىل ەڭبەككەرلەرى. ولاردىڭ بارلىعىنا ­مەملەكەت تاراپىنان بولىنەتىن ءتيىستى ءجارد­ەماقىلار مەن ماتەريالدىق كومەك تۇرىندەگى­ الەۋمەتتىك تولەمدەر ۋاقىتىلى بەرىلىپ كە­لەدى. ءوڭىر ارداگەرلەرىن قۇتتىقتاۋ شاراسى­ قارتتار مەن مۇگەدەكتەردى قولداۋ ايلىعى ­اياسىندا ءارى قاراي جالعاسا بەرمەك.