QR İİM ÁPK-niń Facebook áleýmettik jelisindegi resmı paraqshasynda júrgizýshi kýáliginen aıyrýǵa ákelip soqtyratyn ereje buzýshylyqtar týraly aqparat jarıalandy, - dep habarlaıdy BNews.kz.
Ákimshilik quqyq buzýshylyq týraly kodekste júrgizýshi kýáligin alyp qoıý sharasy qandaı jaǵdaılarda qoldanylatyny naqty aıqyndalǵan.
Kodekstiń 795-babyna sáıkes júrgizýshi kýáligi kólik quralyn basqarý quqyǵynan aıyrý túrinde sanksıa kózdelgen jaǵdaıda ǵana alynady. Qalǵan jaǵdaılarda júrgizýshi kýáligi ákimshilik quqyq buzýshylyq týraly hattama toltyrylǵannan keıin dereý ıesine qaıtarylady.
Kólik quralyn basqarý quqyǵyna júrgizýshi kýáliginen aıyrý kózdelgen JJQ buzýshylyqtar
590-b. 4 t. Kórineý jalǵan nemese qoldan jasalǵan memlekettik tirkeý nómiri belgileri (belgisi) bar kólik quralyn basqarý – jıyrma aılyq eseptik kórsetkish mólsherinde aıyppul salýǵa nemese bir jyl merzimge kólik quraldaryn basqarý quqyǵynan aıyrýǵa ákep soǵady.
596b. 3 t. Eger bul jol júrisi qaǵıdalarynda tyıym salynǵan jaǵdaılarda, joldyń júrý bóliginiń qarsy baǵytta júrýge arnalǵan jaǵyna shyǵý – bir jyl merzimge kólik quraldaryn basqarý quqyǵynan aıyrýǵa ákep soǵady. 
606-b. 2-t. Osy baptyń birinshi bóliginde kózdelgen, ákimshilik jaza qoldanylǵannan keıin bir jyl ishinde qaıtalap jasalǵan áreket alty aı merzimge kólik quralyn basqarý quqyǵynan aıyrýǵa ákep soǵady.
607-b. 2-t. Osy baptyń birinshi bóliginde kózdelgen, ákimshilik jaza qoldanylǵannan keıin bir jyl ishinde qaıtalap jasalǵan áreketter – alty aı merzimge kólik quralyn basqarý quqyǵynan aıyrýǵa ákep soǵady.
608-b. 1,2,3,4,5
1. Júrgizýshiniń kólik quralyn alkogóldik, esirtkilik jáne (nemese) ýytqumarlyq masań kúıde basqarýy, sol sıaqty kólik quralyn alkogóldik, esirtkilik jáne (nemese) ýytqumarlyq masań kúıdegi adamnyń basqarýyna berý – kólik quralyn basqarý quqyǵynan úsh jyl merzimge aıyrýǵa ákep soǵady.
2. Osy baptyń birinshi bóliginde kózdelgen, avarıalyq jaǵdaı týǵyzýǵa ákep soqqan áreketter – kólik quralyn basqarý quqyǵynan tórt jyl merzimge aıyrýǵa ákep soǵady.
3. Osy baptyń birinshi bóliginde kózdelgen, jábirlenýshiniń densaýlyǵyna qylmystyq jazalanatyn is-áreket belgileri joq zıan keltirýge nemese kólik quraldaryn, júkterdi, jol qurylystary men ózge de qurylystardy ne ózge múlikti búldirýge ákep soqqan áreketter – kólik quralyn basqarý quqyǵynan bes jyl merzimge aıyrýǵa ákep soǵady.

4. Osy baptyń birinshi, ekinshi jáne úshinshi bólikterinde kózdelgen, ákimshilik jaza merzimi ótkennen keıin bir jyl ishinde qaıtalap jasalǵan áreketter – on bes táýlikke ákimshilik qamaqqa alýǵa jáne alty jyl merzimge kólik quralyn basqarý quqyǵynan aıyrýǵa ákep soǵady.
5. Osy baptyń tórtinshi bóliginde kózdelgen ákimshilik jaza merzimi ótkennen keıin bir jyl ishinde qaıtalap jasalǵan, osy baptyń tórtinshi bóliginde kózdelgen áreketter – otyz táýlikke ákimshilik qamaqqa alýǵa jáne on jyl merzimge kólik quraldaryn basqarý quqyǵynan aıyrýǵa ákep soǵady.