Aqtóbe oblysyndaǵy memlekettik saıasatty nasıhattaýshy aqparat tquraldarynyń basshylarymen kezdesken oblys ákimi Berdibek Saparbaev óńirdegi jýrnalıserden ózi týraly jaza bermeýdi surady, - dep habarlaıdy «Qamshy» portaly stan.kz – ke silteme jasap.

Aqtóbe oblysynyń ákimi Berdibek Saparbaev memlekettik BAQ basshylarymen kezdesý kezinde óńirde ákimnen basqa da jazýǵa turarlyq máselelerdiń kóbin aıtty. Oblystyq  «Aqtóbe», «Aktúbınskıı vestnık» basylymdary men «Qazaqstan-Aqtóbe» arnasynyń basshylaryna  shalǵaı aýyldarǵa shyǵyp, ondaǵy tirshilik pen eldiń máselesin kóterýge bolatynyn mysal etken.

«Sizderdiń oryndaryńyz basqa. Sondyqtan aýyl turǵyndary, ol jaqtaǵy eńbek adamdary týraly keńinen nasıhattalý kerek»,-dedi Saparbaev.

Oblystyq basylymnyń sońǵy sany alty bet bolyp shyqqanyn, onyń tórt beti jarnama men resmı qujattar ekenin, qalǵan eki beti ákim men onyń orynbasaryna arnalǵanyn aıtqan ol:

«Sizderde basqa materıaldar men másele joqpa ne?»,-dep jınalǵan redaktorlarǵa tótesinen suraq qoıypty.

Mysaldary men dálelderin keltire aıtqan ákim óńirlik BAQ basshylaryna oblystyq telearnanyń  materıaldyq-tehnıkalyq bazasynyń jaqsy ekenin eske saldy. Sol úshin de aldaǵy ýaqytta eski baǵdarlamalardy qaıtalaýdy qoıyp, jańa baǵdarlamalar men ózgerister jasaýdy usyndy.