Búgin Prezıdenttiń Baspasóz hatshysy Dáýren Abaev prezıdent N. Nazarbaevtyń qazaq tiline qatysty málimdemesine túsinikteme berdi, - dep habarlaıdy «Qamshy» portaly.

«Orys tilinde jazylǵan ótinishterge qazaqsha jaýap bergen sheneýnikter qyzmetinen qýylsyn», - degen Prezıdent málimdemesine qatysty Dáýren Abaev Aqordanyń «Feısbýk» áleýmettik jelisindegi betinde bylaı deıdń:

«Ól sóılegen sózinde Prezıdent sheneýnikterdiń memlekettik qyzmet kórsetý kezinde azamattardyń tildik suranysy eskerilýi kerektigin anyq túsindirdi.

«Tilder týraly» Zańda «memlekettik jáne memlekettik emes uıymdardyń azamattardyń ótinishterine jaýaptary men basqa da qujattar memlekettik tilde nemese ótinish túsken tilde beriledi» delingen. Sheneýnikter zańnyń bir ǵana bóligin basshylyqqa alatyn jaǵdaılar kezdesedi. Prezıdent osyndaı retıvti memlekettik qyzmetshilerdi aıtqan bolatyn.

Ol mysal retinde orys tilinde jasalǵan ótinishti keltirdi. Biraq, bul talap bılik ókilderi azamattarǵa qazaq tilinde jaýap bere almaıtyn jaǵdaılarǵa da qatysty.

Sondyqtan da, osy taqyryp tóńireginde alańdaýshylyqqa negiz joq. Memlekettik tildi damytý – memlekettik saıasattyń basty baǵyttarynyń biri jáne ony shekteýdiń kez kelgen túri Qazaqstannyń ulttyq múddelerine qaıshy keledi», - delingen Dáýren Abaevtyń Aqorda paraqshasynda jarıalaǵan jazbasynda.

Prezıdenttiń baspasóz hatshysyna prezıdent málimdemesine qatysty túsinik berý týraly Tengrinews.kz saıty ótinish jasaǵan.

Esterińizge salsaq, keshe Almaty qalasyna sapary barysynda prezıdent Núrsultan Nazarbaev óńirlerde «Tilder týraly» zańnyń talaptary buzylyp otyrǵanyn, keıbir sheneýnikter orys tilinde jazylǵan ótinishterge qazaqsha jaýap qatyp jatqanyn aıtyp, ondaı basshylardy qyzmetten qýýdy tapsyrǵan edi.